អស់ការអត់ធ្មត់!ស្វាមីលោកស្រី ទ្រី ដាណា ចេញមុខព្រមានអ្នកដែលចោទលោកថាជា "ទាសករប្រពន្ធអ្នកមាន"

លោក រស់ រាជសាល ស្វាមីរបស់លោកស្រី ទ្រី ដាណា បានចេញមុខប្រតិកម្មយ៉ាងខ្លាំងចំពោះបុគ្គលមួយចំនួនដែលតែងតែរិះគន់ និងចោទប្រកាន់ថាលោកជា "ទាសករប្រពន្ធអ្នកមាន"។ យោងតាមសំណេរដើម លោកបានលើកឡើងថា៖ "កាន់តែស្ងាត់ កាន់តែបានចិត្ត! ពួកយើងរស់នៅយ៉ាងស្ងប់ស្ងាត់ មិនដែលទៅរំខាន ឬសុំបាយអ្នកណាទទួលទានសោះ... បែរជាហ៊ានប្រើពាក្យថាខ្ញុំជា “ទាសករប្រពន្ធអ្នកមាន” ទៅទៀត។" លោកបានពន្យល់តបវិញថា៖ "ការដែលប្តីម្នាក់ស្រឡាញ់ ថ្នាក់ថ្នម ផ្តល់តម្លៃ និងឱនលំទោនចំពោះប្រពន្ធខ្លួនឯង គេហៅថា “ការផ្តល់កិត្តិយស និងក្តីស្រឡាញ់ពិតប្រាកដ” មិនមែនទាសករនោះទេ។" ជាមួយគ្នានេះ លោកក៏បានចេញសារព្រមានដាច់អហង្ការផងដែរថា លោកអាចអត់ធ្មត់នឹងពាក្យចចាមអារ៉ាមបាន តែបើប៉ះពាល់គ្រួសារ គឺលោកមិនអត់ឱនឱ្យឡើយ ដោយសង្កត់ធ្ងន់ថា៖ "គ្រួសារគឺជាបន្ទាត់ក្រហមដែលគ្មានអ្នកណាមានសិទ្ធិមករំលោភបំពានបានឡើយ។"