1948 නිදහසේ සිට 1953 හර්තාලය දක්වා | ශ්‍රී ලංකාවේ දේශපාලන ඉතිහාසය

1948 නිදහසේ සිට 1953 හර්තාල් ව්‍යාපාරය දක්වා ශ්‍රී ලංකාවේ දේශපාලන පරිවර්තනය 1947 මැතිවරණයෙන් පසු එක්සත් ජාතික පක්ෂයේ නායක ඩී. එස්. සේනානායක මහතා ශ්‍රී ලංකාවේ ප්‍රථම අග්‍රාමාත්‍යවරයා ලෙස පත් විය . 1948 පෙබරවාරි 4 වන දින ලංකා ස්වාධීන පනත ක්‍රියාත්මක වීමත් සමඟ ශ්‍රී ලංකාවට බ්‍රිතාන්‍ය පාලනයෙන් නිදහස හිමි විය . 1952 මාර්තු මාසයේදී ඩී. එස්. සේනානායක මහතා අභාවප්‍රාප්ත වීමෙන් පසු උද්ගත වූ පුරප්පාඩුව සඳහා ඔහුගේ පුත් ඩඩ්ලි සේනානායක මහතා අග්‍රාමාත්‍ය ධුරයට පත් කෙරුණි . අනතුරුව පැවැත්වුණු 1952 මහ මැතිවරණයෙන් බහුතර ආසන සංඛ්‍යාවක් දිනාගත් එක්සත් ජාතික පක්ෂය නැවත ආණ්ඩුවක් පිහිටුවූ අතර ඩඩ්ලි සේනානායක මහතා අගමැති ධුරයේ කටයුතු කළේය . සහල් ඇතුළු ආහාර ද්‍රව්‍යවල මිල ඉහළ යාම හේතුවෙන් 1953 වර්ෂයේදී ඩඩ්ලි සේනානායක මහතාගේ රජයට එරෙහිව වාමාංශික පක්ෂ හා වෘත්තීය සමිතිවල සහයෝගයෙන් හර්තාල් ව්‍යාපාරය ආරම්භ විය . මෙම හර්තාල් අරගලයේ ප්‍රතිඵලයක් ලෙස ඩඩ්ලි සේනානායක මහතා අග්‍රාමාත්‍ය ධුරයෙන් ඉල්ලා අස්වූ අතර, සර් ජෝන් කොතලාවල මහතා නව අග්‍රාමාත්‍යවරයා ලෙස පත් විය . 📌 වීඩියෝවේ අන්තර්ගත ප්‍රධාන මාතෘකා: 1948 පෙබරවාරි 4 නිදහස ලබා ගැනීම ප්‍රථම අගමැති ඩී. එස්. සේනානායක මහතාගේ පාලනය 1952 මහ මැතිවරණය සහ ඩඩ්ලි සේනානායක පාලනය 1953 හර්තාල් ව්‍යාපාරය සහ එහි දේශපාලන බලපෑම