ردنه حيدر كربلا بيها يشوف | الحاج زاير الدويج - السيد جاسم الطويرجاوي

كُتِبتْ ومازالت ١٤٤٨ هـ يوم ٧ محرم ١٤٤٨ هـ ردنه حيدر كربله بيها يشوف شلون ابو فاضل لكدها عل الصفوف من لكدها صار يخطف للنفوس ارض ما تنشاف بس منثوره روس صار اهو العريس والكون العروس وهيه تتثنّه ومبسوله الزلوف ابتسمتله ام الحرب لجله تموج وكربله كلها من ابو فاضل تلوج الشرد منّع والمصوّب ظل يفوج كثر دمها او جرت وديان الطفوف الطفوف اتسيل من سيفه المخيف وغوجه چنه الحوم لجناحه رفيف من ركب وانشاف صار الهم رجيف شبل حيدر بالوغه يومه امعروف كلهم ايعرفوا الباري سلّطه ويه رمشه عين عنهم ما بطه حوم وتلولح على اسرب القطه فرت ابجنحانها ذيچ الرفوف ارفوف صارت هجت من ابن الفحل ويد صار الهم مثل دوي النحل قام يتهلل فرح ذاك المحل مطرب وباسم على لمع السيوف مطرب اعلى سيوفها او بيها رعد شبه صعصع لم زلازلها او صعد بيومه عزرائيل ذب كف يد قعد او ظل بداله سيف ابو فاضل خطوف يخطف ارواح شبه داحي الباب وحرب ابو فاضل مثل يوم العذاب من وصلهم هدد اعبار الرقاب او لو اسكندر ما قدر للدم يروف من يروف الدم وابو فاضل فزع وسيف اله بالكون چم لمع امزن لمع اشحال قلب حسين يوم الي وقع قعد عنده او شافه مقطوع الچفوف الشاعر المرحوم: الحاج زاير الدويج المصدر: ملحق ديوان النصاريات الكبرى بصوت الخطيب المرحوم: السيد جاسم الطويرجاوي #كتبت_ومازالت #حسينية_ابوطالب حساب الحسينية على منصة الإنستقرام @hussainyat.abutaleb   / hussainyat.abutaleb