女神配對計劃2｜多位爆肌男海選騷必殺技冧女 郭珮文鍾意小鮮肉吳旭東同阮嘉敏爭食

女神配對計劃2｜多位爆肌男海選騷必殺技冧女 郭珮文鍾意小鮮肉吳旭東同阮嘉敏爭食 全城觸目嘅戀愛真人騷《女神配對計劃2》6號播出第一集，今次嘅求愛勇者明顯比上一季高質，喺首集嚟面試嘅男性中，出現多位爆肌猛男，分別施展公主抱、玩體操、空中踏步、狂野騷肌等，搞到成個錄影廠充滿尖叫聲，在場嘅都食盡花生，阿Bob林盛斌預告陸繼有猛男出現。 重溫《女神配對計劃2》參考者勇敢求愛 https://www.mytvsuper.com/tc/programm... 節目首播當日其中四位女神阮嘉敏、郭珮文、俞可程同陳若思以及主持阿Bob就一齊食飯開Live睇節目，令大家回憶返晒嚟。眾多勇者之中，為咗阮嘉敏而戰嘅內地演員吳旭東，喺面試尾段二度剝衫嘅舉動簡直將氣氛推至頂點，令女神們都睇得熱血沸騰，尤其係Juliana都心心眼，不過阮嘉敏就話大隻與否同外貎都唔係佢重要考慮之列，兩位女神未出戰已有爭食情況。Amber則覺得自己走漏眼，大讚冷氣技工Oscar同Tony高質。 今次嘅賽制同上一輯會有啲分別，作為主持嘅阿bob都好戥幾位女神緊張，而陪住女神為佢哋加持嘅玄學家雲文子都大派貼士俾佢哋，仲話女神們會有一番龍爭虎鬥，因為即將會有唐僧僧肉出現。 曾經係藝人，現職健身教練嘅鄭健樂早前因為同崔碧珈嘅緋聞搞到一身蟻，好彩冇令佢對戀愛卻步，Rocky希望可以透過節目覓得真愛，仲視有杜彈身材嘅Juliana為佢心目中女神，因為大家都有鍾意做運動嘅共通點。 而報稱係冷氣技工兼歌手嘅26歲混血兒Oscar絕對係大熱焦點，佢竟然對姐姐特別興趣，盼望與俞可程發展姊弟戀。而其中一位50歲嘅Jason就報細數話自己30歲，即刻被江美儀怒斥佢講大話冇誠信，但Jason就堅稱自己有好多優點，而且由細到大都係屬於靚仔型，仲自封同劉德華好似樣。 #女神配對計劃2 #阮嘉敏 #郭珮文 #俞可程 #陳若思 #健身教練 #鄭健樂 #崔碧珈 #混血兒 #冷氣技工 #姊弟戀 #江美儀 #劉德華 #爆肌猛男 #玩體操 #公主抱 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0