شيلة الرفقه الي كلها غش وخداع

تصميم العفراني يالله ياعالم خفيات الاوضاع يارب سترك يالمعين المطاعي تجعل لنا في قمة الطيب مرباع وفعلً ليا ذكرو هل الخير شاعي للخير فزاعه ول الشر فزاع والله اعلم وش ذبيل الفزاعي سلام مني كل ماهب ذعذاع تسليةً تاصل طويل الذراعي رفيقي الي رفقه طب الاوجاع شرواه تشرا رفقته ماتباعي ينفع ولا يرجي ورا نفعه انفاع يقلط على الطاله بدفعً رباعي زيزومها لاراحت اخماس وارباع يشرب كبدها مثل شرب المراعي والرفقه الي كلها غش واخداع لابد تاليها الفلس والضياعي حرام لادعسها برجلي على القاع وللغانمين فجوج ربي وساعي ماني وانا مسفر للانذال تباع نلقا بدالك ياسنون الرضاعي بعض العرب مرهين وروي وشباع واليا بخصناهم ضمين جياعي اهل المدايح والحكي والتسماع قطاعة الساقه قصاف المساعي مامنهم الي ماسكً درب الاسناع اطلق شنب فيهم يكت التلاعي والصحبه الي كنها الشيخ مناع تغمس لك التمره بسم الافاعي والخوه الي كنها خوة ضباع تجنب الضبعه ياسبع السباعي والعله الي ل اريش العين مطواع تراه يحجز لك بنقلً جماعي لو اتفقد كلت بالمد والصاع لكن طول الشرح مافيه داعي هذي حقيقه ماعلا وجهها قناع فريتها لين الثنيه رباعي الطيب مادونه حريبً وفراع يابن ادم الدنيا تراها متاعي