أحمدالناصر و سلطان الهاجري , سلام الله عدد سود الليالي وبيض الأيامي

أحمد الناصر الشايع وسلطان بن محمد بن وسَّام الهاجري على شرف صاحب السمو الملكي الأمير/ فيصل بن خالد بن عبدالعزيز مهرجان المغتره عام 1421هـ. أحمد: سلام الله عدد سود الليال وبيض الأيامي على فيصل ولد خالد من أولها لتاليها وِصَل فضله ومعروفه من الهندي لِيَا الشامي على الأجناب والأصحاب قاصيها ودانيها سلطان: هلا يامرحبا بك بالنيابه والهدف سامي ألَحّنْهَا واهَجْرِسْهَا وَارَدِّدْهَا واغنّيها أشوف النور قدَّامي واشوف النجم قدَّامي وانا اقول الثقيله ما لها ياكود راعيها أحمد: عسى عيدك تعوده ياولد خالد مِيَةْ عامي أقول وطلبة الله تازن الدنيا وما فيها نبا نبني السوالف والسوالف سوقها حامي وطيب السالفه من طيب رَجَّالٍ بدا فيها سلطان: أقول الله يديم وْجودهم حِكَّام الإسلامي جبالٍ كل ما هب الهوا تذري مذاريها تهيَّض ياأحمدالناصر وِقِدَّ الخام بالخامي لِيَا شبّيت نارك يعلم الله ما نطفّيها أحمد: حلمت البارحه حلمٍ عساك تْفَسِّر أحلامي حلمت إن الجبال أزوال تمشي فوق رجليها يباريهن ثمان عيال ذا جايع وذا ضامي ولا تاكل ولا تشرب ولا أدري ويش محييها سلطان: صِدَق حلمك وانا شلت الرصاص الحرّ بحزامي وإلى حَقّقْتَها بالحيل زانت لي مراميها أثَر فرعون يوم إنه بنى في مصر الأهرامي يسوِّي له سواياً ما حَدٍ غيره يسوِّيها أحمد: أظن الصحف طُوْيَتْ ثم جَفَّتْ كل الأقلامي عسى ربي يعوِّد بالمياه إلى مجاريها أحَدْ يِحْكَمْ بحكم أبيض وأحَدْ في حكم الإعدامي وأحَدْ ما يفهم الواجب وأحَدْ ياخذ ويعطيها سلطان: أنا وأنته وردنا الجمَّه اللي تروي الظامي ولا يمديك تذبحها ولا يمديك تحييها