ฟ้อนบวงสรวงดอนปู่ตาบ้านดอนตูม

โครงการ การสร้างและพัฒนาแหล่งเรียนรู้ “ดอนปู่ตา” บนฐานทรัพยากรชุมชนสู่การอนุรักษ์ภูมิปัญญา วัฒนธรรม ทรัพยากรธรรมชาติและสิ่งแวดล้อมท้องถิ่นร่วมกับการบูรณาการการเรียนการสอน โดย สถาบันวิจัยและพัฒนา มหาวิทยาลัยราชภัฏมหาสารคาม ฟ้อนบวงสรวงดอนปู่ตาบ้านดอนตูม อาจารย์ ดร. รติกร แสงห้าว ผู้รับผิดชอบโครงการ อาจารย์อนุชิต สีโมรส และ อาจารย์ภานุวัฒน์ เหล่าพิลัย ควบคุมและฝึกซ้อม อาจารย์ประพจน์ เฉิดแพ้ว และ อาจารย์ทรงวุฒิ พรกุณา ประพันธ์และเรียบเรียงดนตรี เนื้อเพลง ฟ้อนบวงสรวงดอนปู่ตาบ้านดอนตูม ข้าขอนบนอบนิ้วเจ้าปู่จางวาง อีกทังย่าจันทร์หอมผู้ล่ำเรืองเมืองบ้าน ขอจงดลบันดาลให้บ้านเมืองเฮืองหุ่ง ฝูงพ่อลุงแม่ป้าอาวน้าอยู่สบาย สรรพเคราะห์ทุกข์ฮ้ายฝูงบาปปาปัง อย่าได้ยังความทุกข์ แก่ลูกหลานเฮานี้ เอาเด้อพอคราวแล้วสิเตรียมตัวตกแต่ง แปงแล้วเดาดาพร้อมประนมน้อมใส่เศียร ทุกสิ่งเผี่ยนพร้อมพร่ำแปลงตก เฮากะยอแยงยกนอบพระคุณขอไหว้ ตายายพร้อมปู่จางวางพร้อมพร่ำ กับทังจันทร์หอมเจ้าย่าเฒ่าผู้นั่งเนาว์ เจ้าอยู่เฝ้าปัดเป่าบ้านดอกตูม ให้หมู่ซุมทารกาหมู่ประชาหายฮ้อน ขอเพิ่งซ้อนบารมีศรีสง่า ขันจำปาดอกไม้ลูกวอนไหว้นบหา ทุกถ้วนหน้าขอเพิ่งใบบุญ ย้อนว่าบุญคุณหลายได้เพิ่งพายามฮ้อน ขอวอนปู่ตาผู้ศักสิทธิ์ ขอจงเนรมิตด้วยจิตจำนง กราบไหว้ด้วยใจประสงค์ ขอให้สมดั่งภิรมย์อยู่ดีมีแฮง วัวควายไร่นาให้สมปราถ ขอให้แคล้วคลาดปราศจากโจรา ถ้าสมแม้งดั่งปรารถนา ลูกจะนำสุราไก่มาไหว้วอน ลูกหลานเมื่อตอนไปสอบ ขอให้ได้ดั่งชอบราชการแผ่นดิน ขอให้หมดนี้หมดสิน ลูกจะขอถวยรินเหล้ายาไก่ตัว บัวระพาพุ้นพระพิรุณไหลหลั่ง ฝนให้มาถ้วนหน้านาขุ่มซุ่มเลิง ขอเพิ่งเจ้าญาปู่จางวาง ทางย่ายายจันทร์หอมให้เบิ่งหลานคราวฮ้อน ยอพระกรได้พิณแคนกลองระนาด ขอให้สมมาดแล้วเฮานี้ม่วนยิน ผินไปหน้าบูรพาฟ้าหย่อนๆ นามกรบ้านนี้ดอนตูมแท้แน่นอน ออกท่าฟ้อนอ่อนๆนวยนาย ขอให้ได้ดั่งหมาย นบพระคุณภูมิเค้า