Ата-Журт ыргагы

Мээ сергийт чиркин, мелмилдеп соккон желиңден. Көз тойот аска, тоолордон көккө керилген. Абасы таза, суулары тунук көк кашка, Аңкыган жыпар, атырдай жыттуу, жер барбы Кыргыз жериндей. Кылымдар турган чайпалып-толкуп төгүлбөй, Терең да тунук, ыраңы асман көгүндөй. Жээгинде жүрсөң жеңилген кайгы - капалык, Аруулук каткан, айкөлдүк каткан көл барбы Кыргыз көлүндөй. Кадамы бекем, максаттан артка чегинбей, Каатчылык кезде кайраты бекем, темирдей. Кыздары кымбат, жигиттер намыс -арга Бек, Карысы нарктуу, жаштары шаңдуу, эл барбы Кыргыз элиндей.