Атырауда оқушы қыз мұрнына жасалған отадан кейін көз жұмды

Атырауда оқушы қыз мұрнына жасалған отадан кейін көз жұмды. Қара жамылған отбасы қазаға дәрігерлерді кінәлайды. Сөздеріне сенсек, лазерлік операциядан кейін 16 жастағы жеткіншек қараусыз қалып, медициналық тампон тыныс алу жолына түсіп кеткен. Науқастың жағдайы күрт нашарлап, миына зақым келген. Мектепті үздік оқыған тұңғышынан айырылған ата-ана қайғылы оқиғаға ақ халаттылардың салғырттық себеп деп отыр. Жүрегі қан жылап отырған ана тұңғышын бір апта бұрын жер қойнына тапсырған. Айдын-күннің аманында қыздарынан айырылып қалғанына бүтін бір отбасы әлі де сене ала алар емес. 16 жастағы жеткіншек мұрын қуысындағы жараны алып тастау үшін ауруханаға жақындарымен бірге барған екен. Лазерлік ота сәтті жасалған. Алайда ақ халаттылар аяқ асты науқастың тыныс алу жолына медициналық тампон түсіп кеткенін айтып, тағы бір операцияға алып кетті дейді анасы. МӨЛДІР САХМЕТОВА, марқұмның анасы: Біріншісі сәтті өтті, екіншсінде қызыңыз демаламын дегенде тампон кетіп қалды деді. Шок болдым кәдімгі. Тампонды алдыңдар ма десем алдық деді. Реанимацияға апарды сап-сау баламды қалай?! 19 күн жатты қызым. Лечения система беріп, давлениясы көтерліп почкасы жасамай қалған. Өкпеге кеткен. Басына кислород жетпей қалған. Осылайша, Айжан Жаркеннің жағдайы күрт нашарлап, жансақтау бөлімінде 19 күн жатқан. Ақыры туыстары емдеу мекемесінен қыздың мәйітін алып кетті. Жақындары қайғылы оқиғаға ақ халаттылардың біліксіздігі мен салғырттығы себеп дейді. Сондықтан кінәлі мамандардың қатаң жазалануын талап етеді. МӨЛДІР САХМЕТОВА, марқұмның анасы : Кәдімгі сау баламды анандай етеді деп ойлаған жоқпын. Дәрігерлерді кінәлаймын. Өмірі ауруханаға жатпаған, еш шағымданбаған. Ауырған бала емес. Сап- сау баланы бұлай қорлау деген дәрігерлердің кінәсі деп ойлаймын. Жазалансын. Мойындамайды кәдімгі. Үндемей бедірейіп қарап тұр ғой. Маған сап- сау баламды қалай алды маған солай әкеп береді деп ойлағанмын. Ал, облыстық балалар ауруханасының басшысы тампонды науқас өзі жұтып қойған деп отыр. Бірақ артынша шұғыл көмек көрсетілді деп сендірді. Тіпті, республикалық медициналық орталықтардың мамандарымен кеңес те жүргізілген екен. АЛЬМИРА САБЫРҒАЛИЕВА, Атырау облыстық балалар ауруханасының басшысы: Тампонның кетіп қалғанын анықтау уақытты керек етеді. Ол жалпы тыныс жолында әрбір секунд қымбат. Сол жерде баланың миына зақым кеп тұрды. Балаға біз алғашқы реанимациялық көмектер көрсетілді. Өзге білікті дәрігерлер көмек көрсетті. Қазір жеткіншектің өліміне қатысты медициналық және фармацевтикалық бақылау департаменті тексеріс жүргізіп жатыр. Айта кетейік, Айжан Жаркен биыл тоғызды үздік аяқтап, оныншы сыныпқа көшкен екен. Болашақта "ағылшын тілі пәнінің мұғалімі мамандығына түсуді армандапты. Театр өнеріне де қатты қызыққан дейді туыстары. #Информбюро #31арна #БастыЖаңалықтар #Новости #31канал