မြန်မာတွေ ရွှေတံဆိပ် ဆွတ်ခူးနိုင်ခဲ့ပြီ

မြန်မာအမျိုးသား ပိုက်ကျော်ခြင်းအသင်း အင်ဒိုနီးရှားကို အနိုင်ယူကာ ရွှေဆွတ်ခူး မြန်မာအမျိုးသားပိုက်ကျော်ခြင်းအသင်းသည် ယနေ့ အောက်တိုဘာ (၄)ရက် နံနက်ပိုင်းတွင် ဖိုင်နယ်ပွဲစဥ်အ‌‌နေဖြင့် အင်ဒိုနီးရှားအသင်းနှင့် ယှဉ်ပြိုင်ကစားခဲ့ရာ နှစ်ပွဲပြတ်အနိုင်ရရှိကာ ပထမဆုအနေဖြင့် ရွှေတံဆိပ်ဆွတ်ခူးခဲ့ကြောင်း သိရသည်။ မြန်မာအမျိုးသားပိုက်ကျော်ခြင်းအသင်းသည် ယမန်နေ့ အောက်တိုဘာ (၃) ရက်တွင်လည်း ဆီမီးဖိုင်နယ်အဆင့်၌ ဂျပန်အသင်းကို ယှဉ်ပြိုင်အနိုင်ရရှိပြီး ဖိုင်နယ်အဆင့်သို့တက်ရောက်ခဲ့ခြင်းဖြစ်သည်။ မြန်မာအမျိုးသား ပိုက်ကျော်ခြင်း အသင်းသည် (၁၉)ကြိမ်မြောက် အာရှအားကစားပြိုင်ပွဲတွင် မြန်မာနိုင်ငံအတွက် ပထမဆုံး ဆုတံဆိပ် ရယူပေးခဲ့သည့် အသင်းဖြစ်သည်။