Trahaniku i Përmetit, tradita që nuk vjetërohet nga shefja e kuzhinës Albana Mançja - “Mes’dritë”

Përbërësit: 250 g grurë të shtypur 1 kg qepë 1 lugë çaji piper i zi 1 lugë çaji rigon 1 lugë çaji spec i kuq djegës 100 g gjalpë 100 ml vaj ulliri 2 gjokse pule 1 grusht arra të pjekura 500 g miell Petë të pjekura Kripë sipas dëshirës Përgatitja: Përgatisim brumin me pak ujë, miell, vaj ulliri dhe kripë. E mbulojmë me një copë të lagur. Ndërkohë, ziejmë pulën me ujë dhe pak kripë. Pasi të ketë zier, e ndajmë në fije. Përgatisim mbushjen. Presim qepët imët dhe i kaurdisim në zjarr të ngadaltë derisa të zbuten, më pas shtojmë fijet e pulës. Në një tenxhere tjetër, me ujë të vluar, hedhim grurin e shtypur dhe e ziejmë derisa të zbutet. Shtojmë kripë dhe erëzat: piperin, specin e kuq djegës dhe rigonin. Pjekim arrat, i thërmojmë dhe i përziejmë me masën e grurit. Këtë përzierje e bashkojmë me qepët dhe mishin e pulës. Hapim dy petë të njoma dhe mbi to shtrojmë petë të pjekura. Çdo rresht pete e lagim me lëng pule, të pasuruar me pak vaj ulliri. Pas tre shtresave me petë të pjekura, shtojmë mbushjen me grurë, qepë dhe mish. E mbulojmë me një shtresë petësh të pjekura, e lagim sërish me lëng mishi dhe e përfundojmë me dy petë të njoma sipër. Në fund, lyejmë sipërfaqen me vaj ulliri, e vendosim në furrë dhe e pjekim ngadalë për rreth 30 minuta. “Mes’dritë”, emisioni që e nis ditën me informacion, aktualitet, histori njerëzore, këshilla dhe tema që na prekin të gjithëve. Nën moderimin e Alma Çelaj, “Mes’dritë” ju shoqëron nga e hëna në të shtunë, ora 09:00-11:00. Një mëngjes i nisur ndryshe, me një përzgjedhje të pasur temash sociale, aktuale dhe me energji të mirë. #vizionplustv #mesdrite #almacelaj