သူတော်ကောင်းဆိုသည်မှာ ( သစ္စာရွှေစည်ဆရာတော်)

လောကမှာ လူတွေက ဟိုလူမကောင်းလို့ ဒီလူမကောင်းလို့ အကြောင်းပြကြပြီး မိမိကိုယ်တိုင်တော့ ကောင်းအောင်မနေကြပါဘူး။ လူကောင်းတွေထက် လူဆိုး/မကောင်းတဲ့ သူတွေ ပေါတဲ့ ခေတ်ကာလကြီးမှာ အဲဒီလိုသာ မကောင်းတဲ့ သူတွေများလို့ မိမိကိုယ်တိုင်လည်း ကောင်းဖို့ မလိုဘူးဆိုတဲ့ အတွေးမျိူးက အင်မတန်လွဲမှားနေပါတယ်။ ဘယ်သူကောင်းကောင်း မကောင်းကောင်း မိမိကိုယ်တိုင် ကောင်းအောင်နေရမှာပါ။ ဒီနေရာမှာ သီလစောင့်ထိန်းရတာ နစ်နာတယ် ထင်တဲ့ အတွေးမျိူးက အင်မတန်မှ မှားပါတယ်။ သူတို့တော့ ခိုးနေတယ်၊ လိမ်နေတယ်၊ ငါတော့ မခိုး မလိမ်ပဲနဲ့ အမှန်အတိုင်းလုပ်ကိုင်နေတာ ငါ့နှယ် အ' လေခြင်းရယ်လို့ အင်မတန်လွဲမှားတဲ့ အတွေးမျိူး ဝင်လာတတ်ပါတယ်။ တဉီးတယောက်မှ သည် တမိသားစု၊ တရပ်ကွက်၊ တမြို့ တမြို့နယ် တဒေသ၊ တနိုင်ငံလုံး အထိ အကျင့်သီလကောင်းတွေ စောင့်ထိန်းကျင့်ကြံနိုင်ပါစေ။