"Həyata bağlanmağa səbəbim yoxdur" | Hərbi xidmətdə yaralandığını deyən gənc kömək istəyir - Baku TV

"Həyata bağlanmağa səbəbim yoxdur" | Hərbi xidmətdə yaralandığını deyən gənc kömək istəyir - Baku TV Siyəzən rayonunun Gilgilçay qəsəbə sakini, 20 yaşlı Dilavər Aslanlı hərbi xidmət zamanı baş verən partlayış nəticəsində ağır xəsarətlər aldığını bildirir. Gəncin sözlərinə görə, hadisə 2025-ci il oktyabrın 16-da atış sahəsində baş verib. O, partlayış nəticəsində hər iki ayağından, əlindən və gözündən xəsarət aldığını, bədənində çoxsaylı qəlpələrin qaldığını deyir. Dilavər bildirir ki, hadisədən sonra aylarla yataq xəstəsi olub, danışmaqda və hərəkət etməkdə çətinlik çəkib. Hazırda isə bədənində qalan qəlpələrin çıxarılması və digər müalicələrin aparılması üçün maddi imkanının olmadığını söyləyir. Onun sözlərinə görə, bir gözünü itirib, dili də zədələnib. Gənc müalicəyə və dərmanlara ehtiyac duyduğunu, lakin bunun üçün kifayət qədər maddi imkanının olmadığını bildirir. Dilavərin ailəsi də aidiyyəti qurumlara dəfələrlə müraciət etdiklərini, lakin uzun müddət nəticə əldə edə bilmədiklərini iddia edir. Onlar bildirirlər ki, müxtəlif qurumlara elektron və yazılı şəkildə müraciətlər edilib, komissiyalardan keçirilib və gəncin vəziyyəti ilə bağlı sənədlər təqdim olunub. Baku TV-nin çəkişindən sonra Dövlət Tibbi-Sosial Ekspertiza və Reabilitasiya Agentliyindən bildirilib ki, 2006-cı il təvəllüdlü Aslanlı Dilavər İlham oğluna hərbi xidmət vəzifələrini yerinə yetirməsi ilə əlaqədar gözdən əlilliyi olan şəxs kimi, orqanizm funksiyalarının 100 faiz pozulmasına görə birinci dərəcə müddətsiz əlillik təyinatı aparılıb. Əlillik təyinatına uyğun olaraq Dilavərə müvafiq sosial ödənişlərin təyinatı da elektron sistem üzərindən proaktiv qaydada həyata keçirilib. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv "Həyata bağlanmağa səbəbim yoxdur" | Hərbi xidmətdə yaralandığını deyən gənc kömək istəyir - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #hərbçi #yaralı #hərbixidmət #gənc #kömək #müraciət baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan