شيلة الجيب الجديد كلمات ابو نوره الاحيوي واداء عبد الخالق النبهان

يا  راكبٍ  من   عندنا   الجيب    الجديد توه    وصل    مينا    سفاجا   من  تبوك تجمرك   ورخص   باسم   عبد   الحميد من  خوف  لا     تلحقه  شبهات وشكوك ومن  النفق   عدي  علي  خشم  العميد مع    حارة  القاده   بعيد   عن  الشبكوك وحول  علي  سينا   من  ديار   الصعيد دار     الشيوخ    اللي   تنصاها   الملوك ذيبٍ   تدلي    حزمها      يقند    قنيد طاويه   جوع   وصيده   بذيك  النبوك عرمان    للسجات     ملعون      الكديد وده      سحاسيح     الجرافي  والبروك   ما    جابه    الغلبان   معدوم    الرصيد اللي     معاشه     محولينه   ع    البنوك ولا   جابه   اللي    ساكن  بكفر  الشهيد اللي    مشاويره    بوسط   السوق  دوك ناوي   ديار     اللي   مراميسه   بعيد الصاحب   اللي   عزته   طبع   وسلوك رجل   المواقف  صاحب  العزم   الشديد اللي     تعده   للشدايد    حسب    اخوك وبعد   التحيه   أقرا علاه  بيت  القصيد بيتٍ   عن   فعول   الزمن  فينا   محبوك يا    الزير  انا   قافي  به   العلم  الاكيد من   راس  شاعر  لاك  فيه الوقت لوك   يا صاحبي  بعض  البشر   فرقاه  عيد اللي   ليا     شحت   يدينك   عذربوك وأهل  المصالح   لك   تعني  من  بعيد وليا   اغتنوا   لو   حول دارك ما يجوك وان  لنت مره طحت في ايد النذل صيد وأهل  الحسد  والحقد   تبني لك شروك وما  يفرح    لفرحتك    غير    المستفيد ولا يخدعك  في هالزمن  غير  الضحوك وبعض  البشر  لو   تملك   فلوس  الوليد في    ذمتي     لاحجتهم    ما     ينفعوك واللي    زرع   له    خير   يبشر  بالحصيد واللي   زرع   له شوك  يحصد منه شوك