A Rawng Lua Ka Ti@Hla_leh_Thu72

Ka fapa thih ngamin damdawiin khumah a mu a, tawngtai ngawt lo chu tihtheih kan nei si lo. A na ti hmel han hmuh te kha a va han hrehawm ngawih ngawih tak em! Tih theih a tlem si. Damdawiin kawtah te, khualbuk chhūngah te, a remchan apiangin ka rilru hahna chu hla in ka siam chhuak a. Setana ka huat dan chu pui tak a ni! Theih ni se, han sah sawk sawk mai hi ka chãk a. Ka hla siam lai hian ka mittui a tla hnem khawp mai. Damin damdawiin kan chhuahsan dawn lo nia hriatna, hlauhthawnna nasa tak a awm bawk si. Hrehawm ngat ngat tak a ni. Ka hla siam thu te hi ka rilrua a lo lan dan a ni a. 'Helai thu chu a va dik chiah lo em!' tih theih turte pawh a awm mai thei. Mizo tawng hi a har em em mai si a. Mahse, mi sak lar tur pawh a ni chuang lo va. Tu khaw kha in an hre dawn lo va, ka inthlahrung duh ta lo mai.