بحبل ادينا | محمد باقر الخاقاني

بحبل ادينا أداء: الملا #محمد_باقر_الخاقاني كلمات: الشاعر #أبو_محمد_الزبيدي مجالس ليالي شهر صفر الأحزان لسنة 1448 هـ - 2026 م مجالس عزاء مشاية الأربعين عزاء هيئة الحسن المجتبى عليه السلام - العراق - الديوانية اللَّهُمَّ عَجِّلْ لِوَلِيِّكَ الفَرَج بحبل ادينا بحبل ادينا . من مشينا . كل دربنا كربلا الغاضرية . وآل امية . والخرايب والفلا عذبنّي . وهذا ونّي . مابقيت مدللة سفرتنا كلها تشابه العاشر طف بكل وكت حاضر . وانا انوح ليليّة اشوفن روس ولياني فوگ رماح عدواني . وين اروح اهات وي كل صبح راسك فوگ الرمح يشرق مثل الشمس . حسين نتصابح والهزل منظر ماينحمل نبچي بعزّة نفس . حسين ،،،،،،،،،،،،،، دربي هيمة . وچم يتيمة . طيّحوها من الهزل من صفية . ومن رقية . گلبي خيمة ومشتعل موت اخذهن . وبدفنهن . بيدي فلّيت الحبل هواي المصايب وانا مابيَّ دفن علوية علوية . بالتراب درب اليسر سوّاني دفانة دفنت بنيّة عطشانة . ياعذاب رشّيت فوگ اللحد ماي وچان الورد ميت جوّه الترب . حسين مابين گبر وگبر يحسين ضاع العمر غربة وانت بغرب . حسين ،،،،،،،،،،،،،،،،، بهيدة نحچي . وسكتة نبچي . بالخرايب والدرب والتگلّي . عمة فلّي . حبل اديَّ تنضرب ماكو رحمة . والـ يعمّة . من رقية دم تصب ياعمة اگلها تحملي تگلّي فلّي حبالهن فلّي . چفوفي هاي ياعمة اريدن ماي اودّي له بحبل ما اگدر امشي له . وبيدي ماي مايشرب لو سما تمطر يم مبسمه لو شاف بيدي حبل . حسين يجرحني وينجرح يذبحني وينذبح رمحه وظهر الهزل . حسين ،،،،،،،،،،،،،،، من سبونا . عذبونا . وانهضمنا من السبي والهضيمة . كل يتيمة . تگلّي هذا مطلبي تريد ابوها . ومن يجوها . تضم حجيها بالعبي راسه بقنا ويتلفت هوايه من يسمع هالحجاية . بابا وين بجرحه وتجي من كل كتر بابا من الهزلة من الترابة . والانين يوگف كل ماسمع يحسين واحد وگع وشكبر النايحة . حسين لو بيده من الرمح ينزل دمعة وجرح ويشيل الطايحة . حسين ،،،،،،،،،،،،،،، بالخرابة . عالترابة . گعّدونا باليسر بيها بتنا . ومر وكتنا . بس مدامع للفجر ومن اجونا . ذكّرونا . بالمخيم والظهر صوت وسياط وي الحچي يحومن گومن للقصر گومن . وانا اصيح من القصر شو گلبي لاجمني شياخذ هالقصر مني . ياجريح بباب الديوان اظل ساعات من الخجل ويذبحني المستحى . حسين ولو گالوا خارجي يوم العاشر يجي ونشاهد مذبحة . حسين للإستماع على المنصات الصوتية على الرابط التالي http://l.bayat.me/n7iYjyat جميع الحقوق محفوظة للقناة الرسمية للرادود الحسيني الملا محمد باقر الخاقاني على اليوتيوب #MajalesAlKhaqani للتواصل مع الحسابات الرسمية للرادود الحسيني الملا محمد باقر الخاقاني: Youtube :    / mbalkhaqani   facebook :   / mbk1440   instagram :   / mejales_alkhaqani   telegram : https://telegram.me/MajalesAlKhaqani Tiktok:   / mbalkhaqani   WhatsApp channel: https://whatsapp.com/channel/0029VacA...