Rda hlate : Esther Lalthuthlungi - Lal Rûn Nuam

He hla "Lal Rûn Nuam" tih hi Kum 2015 kuma Lalpan min pek a ni a, kan team kan zin haw ka damsam lo zui a, ka chau hle mai a. Chawlhni zingah pawh inkhawm peih lovin ka mu a, chutihlai chuan ka khua a har em em a, ka mobile phone ami zai ka ngaithlak laiin, thlarauva kan hlim chhuah tirh lam ami guitar nena thlarau lam hla (Țawnghriatloh zai) ka sak mai mai chu ka hmet chhuak nawlh a, ka ngaithla tui ta viau a. Chu zai thluk chuan he hla thute hi ka rilruah a lo lut ta zut zut mai a. Ka mobile phone ah chuan ka type chhuak ta pur pur a, a hnuah keimahin ka sa ka sa ta a. Tumah ka pe ngam lem lo va, ka insit avang leh an sak duh ka rin loh vang a ni ber. Hun a kal hreta unaunu Esther Lalthuthlungi hi ka pe ta a, an venga rawng ka bawl lai ni tain ka hria. Ani hian min sak chhuah sak ve ta a, a satu remtihnain video hi ka siam chawp mai mai a, Lalpan hla min pekte a bo hlen mai ka hlauh avangin youtube ah hian ka dah ta a ni. Ngaithlatute Lal run nuama lawi thei ngei turin Lalpan malsawm che u rawh se...