ഏർവാടിയിലെ ആത്മീയ വാണിഭം | Ervadi athmeeya chooshana kendram

#ervadi #anthavishvasam #disqs_malayalam #athmeeeyavaanibham തെന്നിന്ത്യയിലെ ഏറ്റവും വലിയ ആത്മീയ വാണിഭ കേന്ദ്രമാണ് തമിഴ്‌നാട്ടിലെ ഏർവാടി ദർഗ. പ്രാകൃതമായ ചികിൽസാ രീതികളാണ് ആത്മീയതയുടെ മറവിൽ ഇന്നും അവിടെ നടമാടുന്നത്‌. കൈകാലുകൾ ചങ്ങലയിൽ ബന്ധിച്ച മനോരോഗികളെ പാർപ്പിച്ച ഷെഡുകൾ കത്തി നിരവധി പേർ വെന്തു മരിച്ച സംഭവത്തിനു ശേഷവും ഇവിടെ ഒരു മാറ്റവും വന്നിട്ടില്ല. ഇന്നും ചങ്ങലക്കിട്ട മനോരോഗികൾ ഏർവാടിയിലെ സാധാരണ കാഴ്ചയാണ്. മനുഷ്യാവകാശ പ്രവർത്തകരോ അധികാരികളോ ആ വഴിക്ക്‌ തിരിഞ്ഞ്‌ നോക്കുന്നുമില്ല. വിദ്യാസമ്പന്നരെന്ന് അഭിമാനിക്കുന്ന കേരളത്തിൽ നിന്നാണ് ഏർവാടിയിലെത്തുന്ന രോഗികൾ ഏറെയും!. കേട്ടാൽ അറയ്ക്കുന്ന അന്ധവിശ്വാസങ്ങളാണ് ഏർവാടി ആത്മീയ കേന്ദ്രത്തിന്റെ ഇടനിലക്കാർ പ്രചരിപ്പിക്കുന്നത്‌. ഉറക്കിൽ പുണ്യാത്മാക്കൾ വന്ന് ഓപ്പറേഷൻ നടത്തി രോഗം ഭേദമാക്കുമെന്ന് വിശ്വസിച്ച്‌ സ്വപ്ന ശസ്ത്രക്രിയയുടെ ഊഴം കാത്ത്‌ മാസങ്ങളോളം അന്തിയുറങ്ങുന്നവർ അവിടെ ഏറെയുണ്ട്‌. ഏർവ്വാടിയിലൂടെ യാത്ര ചെയ്ത്‌ ആത്മീയ വാണിഭത്തിന്റെ നേർക്കാഴ്ചകൾ വിവരിക്കുകയാണ് എം എസ്‌ ഷൈജു.