"Bunu müştəriyə necə verək?!" | Kuryerlər təngə gəldi | "McDonald's" deyir ki, belədir!" - Baku TV

"Bunu müştəriyə necə verək?!" | Kuryerlər təngə gəldi | "McDonald's" deyir ki, belədir!" - Baku TV “McDonald's”la əməkdaşlıq edən kuryerlər çatdırılma zamanı istifadə edilən paketlərin keyfiyyətsizliyindən narazıdırlar. Onların sözlərinə görə, xüsusilə su və digər maye məhsulların daşınması zamanı qablaşdırma islanır, cırılır və sifarişlər zədələnir. Kuryerlər bildirirlər ki, qablaşdırmanın yararsız hala düşməsi və müştərinin sifarişi qəbul etməməsi nəticəsində yaranan maddi zərər onların hesabından tutulur. “Paket cırıldı deyə müştəri sifarişi təhvil götürmədi. Məndən də 44 manat 40 qəpik pul çıxıldı. Müştəri 50-60 manatlıq sifariş verib, evində oturacaq, biz onun pulunu ödəyəcəyik?! Bu nə dərəcədə doğrudur?!”, – deyə kuryer Dayandur Hümbətov narazılığını bildirib. Kuryerlərin şikayəti ilə bağlı restoranlar şəbəkəsinə müraciət edilib. Bakıxanov qəsəbəsində yerləşən “McDonald’s” filialında onlara baş ofislə əlaqə saxlamaları tövsiyə olunub. Azərbaycan İstehlakçılar Şurasının sədri Roman Qaraşov məsələ ilə bağlı bildirib ki, sifarişin zədələnməsinə görə ödənişin avtomatik şəkildə kuryerin üzərinə qoyulması hüquqi baxımdan düzgün yanaşma deyil: “Əvvəlcə müəyyən edilməlidir ki, zərər nədən yaranıb. Kuryer sifarişlə ehtiyatsız davranıbsa, onun məsuliyyəti məsələsi ortaya çıxa bilər. Amma problem restoranın təqdim etdiyi qablaşdırmadan yaranıbsa, bütün məsuliyyəti kuryerin üzərinə qoymaq əsaslandırılmış hesab oluna bilməz”. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv "Bunu müştəriyə necə verək?!" | Kuryerlər təngə gəldi | "McDonald's" deyir ki, belədir!" - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #mcdonalds #kuryer #kuryerlər #çatdırılma baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan