لطلاب الثانوي العام والكليات ٥ استراتيجيات مهمة وضرورية عشان تحل أى امتحان MCQ (ACE ANY MCQ TEST)

خلونا نبدأ بأول استراتيجية معانا وهي متبدأش حل الأسئلة بالترتيب المتبع لكن أول ما يتم توزيع ورق الأسئلة خصص شوية وقت في الأول حوالي خمس او عشر دقايق في انك تقرا ورقة الأسئلة كلها سريعا وتاخد نظرة عامة عنها وعن المواضيع اللي بيتسأل فيها ، وانت بتعمل كده أكيد هتلاقي أسئلة سهلة أنت عارف ومتأكد من الاجابات بتاعتها ودي علم على الاجابة الصحيحة فورا , لكن الشئ المفيد من النظرة السريعة دي انك بتحضر مخك لنوعية ومواضيع الأسئلة وبتخليه يبدا تفكير فيها في الاوعي , كمان في بعض الأحيان بعض الأسئلة بيكون جواها تفاصيل وتلميحات هتساعدك كتير في حل اسئلة تانية ، لكن متعتمدش على النقطة دي كتير وتخسر وقت كبير ومجهود في انك بتدور على اجابات الأسئلة في أسئلة تانية. الاستراتيجية التانية معانا ودي من كتاب باربرا أوكلي a mind for numbers واسمها the hard start jump to easy technique ومعناها ببساطة ان لو قابلك سؤال صعب هتاخد دقيقتين او اقل ( على حسب وقت الامتحان ) تفكير في السؤال لكن لو موصلتش للحل فانت ببساطة هتسيبه وتنقل على السؤال اللي بعده ، ممكن تكون سمعت عن الطريقة دي من المدرسين بغرض ان انت متضيعش وقت الامتحان ، لكن في فايدة تانية مهمة وهي انك لما بتقضي وقت في التفكير في مسألة صعبة انت كده بتستخدم نظام في المخ اسمه ال Focus mood , فيه عندنا نظامين للتفكير focus and diffuse وهنتكلم عنهم ان شاء الله في حلقة تانية اول بقى ما بتسيب السؤال الصعب ده و تنقل على اللي بعده اللا وعي عندك بيستمر في التفكير وايجاد حل للسؤال ده ، ويستخدم كل المعلومات والمصادر اللي متخزنه في المخ عندك عشان يوصل للحل ،وكل ده بيحصل في الخلفية من غير أي تدخل منك, اول بقى ماترجع للسؤال الصعب ده بعد شوية فالبتأكيد هيكون عندك فرصة أحسن وأقوى انك تجاوبه. تالت استراتيجية ودي مهمة جدا جدا انك دائما قبل ما تحل السؤال تقراه على الأقل مرتين لأن بعض الأسئلة بيكون فيها بعض الخدع ومش كل الاجابات المألوفة بتكون صح , في بعض الأحيان اللي بيحط الامتحان بيحاول يخدعك بانه مثلا يحط كلمة ماعدا او not او اختار the wrong answer او all correct except وهكذا ، ومن السهل جدا انك متاخدش بالك من الكلمات دي , كمان بعض الأسئلة بيكون ليها اكتر من اجابة صحيحة والمطلوب انك تختار أصح اجابة ده اذا ماكانش من ضمن الاجابات اجابة زي كل ماسبق او all of the above أو non of the above ، فمتتسرعش وتختار اول اجابة صح قدامك اقرا السؤال والاجابات كويس وبتركيز شديد ودايما علم او حط خط تحت الكلمات دي وانت بتقرا السؤال. الاستراتيجيه الرابعة ودي بستخدمها دايما في اي امتحان ، وهي اني اراجع اجابات كل صفحة أسئلة اول ما اخلص حلها لوحدها قبل ما انقل على صفحة الاسئلة اللي بعد كده ، ومستناش لحد ما اخلص حل الامتحان كله عشان ابدأ اراجع , المفيد هنا انك بمجرد ما بتوصل لآخر 10 او 15 سؤال بيكون الوقت المتبقي على نهاية الامتحان قليل جدا ، وده بيسبب ضغط عصبي كبير عليك ممكن بسببه تفوت او متراجعش بعض الأسئلة او متلاقيش وقت تراجع فيه اساسا ،لكن بالطريقة اللي قلنا عليها الضغط العصبي هيكون اقل وتقدر تركز في الأسئلة الباقية كويس جدا, طبعا الطريقة دي مش بديل انك تراجع اجاباتك كلها تاني بعض ما تخلص الاسئلة كلها طالما في وقت يسمح بكده. الاستراتيجية الخامسة ودي خاصة بالأسئلة اللي انت مش متأكد من اجابتها اللي دايما بيكون الحل على طرف لسانك بس مش قادر تحدد الاجابة الصح . هنا حاول تفتكر المكان اللي ذاكرت فيه المعلومة دي سواء بقى الفصل او اوضتك او عند واحد صاحبك وتتخيل نفسك موجود في المكان وتحاول حتى تفتكر شكل الصفحة اللي كانت موجودة فيه المعلومة دي، على الصفحة اليمين ولا على الشمال وهكذا , الأبحاث والدراسات العلمية اثبتت انك مجرد انك تتخيل نفسك في المكان اللي تلقيت فيه المعلومة فده بينشط نوع من انواع الذاكرة اسمه context dependent memory وبتبدأ تكون روابط تساعدك تفتكر المعلومة كاملة وبدقة عالية كمان. لكن لو لسه برضه مش قادر توصل لاجابة السؤال او مش عارف الموضوع اللي بيتكلم عنه او مذاكرتش المعلومة دي اساسا قبل كده فهنا ييجي وقت سلاحنا السري والوصفة السحرية لحل أي سؤال . متنسوش تتابعونا على صفحة الفيس بوك وقناة اليوتيوب قناة اليوتيوب :    / @dramrazab3142   صفحة الفيس بوك :   / hakim.masr21   تقدروا برضوا تتابعونا على على الانستجرام https://instagram.com/hakim.masr21?ut... @حكيم_مصر @طب_البسطاء @علم_ينتفع_به