TƏBİB təcili yardıma yol verən sürücüləri təqdir edir, hamını bu hərəkəti davam etdirməyə çağırır!

Yenə də sizi göstəririk! Və yenə də göstərdiyiniz nümunəvi hərəkətə görə sizə təşəkkür edirik! Təqdim etdiyimiz bu videoçarx yol hərəkəti qaydalarına riayət etmək şərti ilə təcili yardım avtomobillərinə yol verən sürücüləri təbliğ və təşviq etmək, onlara göstərdikləri diqqətə görə təşəkkür etmək və ən əsası, başqalarına nümunə göstərmək xarakteri daşıyır. Unutmayın ki, sizin kiçik bir hərəkətiniz insan həyatının xilasında böyük rol oynaya bilər! #SürücülərəTəşəkkür həştəqi ilə bu videoçarxın daha çox paylaşılmasına və ölkəmizdə avtomobil idarə edən hər kəsə çatmasına dəstək olmağınızı xahiş edirik! Çalışın, siz də xilaskar olun!