المداح السيد مقداد الرضوي في تكية سيد هاني المشايخي

ولهان گلبي وحيل ضايج خلگي. والشوگ للمختار يبس حلگي. ♕♕♕♕♕♕♕♕♕ َالشوگ للمختار يبس ريجي. والدمع تالي الليل بلل زيجي. ياروح هَدّي يا لجوجه وليجي. الله كريم ومايضيّع حگي،، ~~~~~~~ ناديت ياحادي الضعن لكِنَّو. مارد عليا وأي رجا مامنو. يمكنو ماهو بحالنا يمكنو. معذور مثل الگاصدو مايلْگي،، ~~~~~~~ ولهان گلبي عالمدينه ولايج. مطعون بسهام المحبه وهايج. يسأل عذولي يگول شكلك ضايج. بطران شمفهمو بسوالف عشگي،، ~~~~~~~ هايم متيم مغرم وولهاني.. وغير المرار من العشگ ماجاني.. فدوات لعيون النبي العدناني. آني وضنايْ بكيفو خلي ينگي،، ~~~~~~~~ حب النبي بي ميزه عن الباقي. حتى بمرارو يعتبر شي راقي. عذب بعذابو مرهف الاشواقي. غيرو سوالف فقط هو الصدگي،، ~~~~~~~ يالايمي تدري الحجي يرجعلك. ازعل اذا مدح الرسول يزعلك. باجر هناك ادور اليشفعلك. اعقل ترا مثل النبي ماتلگي،، ~~~~~~~ غير الحبيب الغالي گلي شعدنا. الهادي رفعت روسنا وسيدنا. منعوف مدحك للأبد ياجدنا. لو طگگو بصدورنا ام السرگي،، ~~~~~~ احنا بمحمد وبمحمد احنا. لوما حضرتو يا أخي اش يصلحنا. المنحه هوَ ودونو يعني المحنه. ولو ما ذكر طه الصدر يختنگي،، ~~~~~~~~ عالروح سيدنا التهامي انقدمو. خير الورى ومنساوي خيط بهدمو. ياريتني تراب ووطاني بجدمو. يابه شفخر بجدامو لوتم سحگي،، ~~~~~~~ ياربي صلي عالنبي ياباري. ماحن غريب لديرتو والداري. واصلح وسامح احمد المعماري. گبلن إليك الروح يارب ترگي،، ابوملاك المعماري ✍️ ٢٠٢٦/٦/١٨