DD News Mizoram Chanchinthar | 10 October 2026 | 6:30 PM

CHANCHINTHAR Local: 1. Chief Secretary Pu Khilli Ram Meena hovin Inchhiarpui (Census 2027) Phase-II kalpui dan tur inhrihhriatna leh sawi hona – “One Day State Level Conference on Census” neih a ni. 2. Labour, Employement, Skill Development and Entrepreneurship Minister, Pu Lalnghinglova Hmar chuan thailaite chu thiamna leh tuina zawng tak hmanga ei an zawn theih chu a pawimawh zawk thu a sawi . 3. PHE Minister, Prof. Lalnilawma chuan khuarel chhiatna avanga tui khaihlak chu a thawktuten theih tawp chhhuahin hma an lak mek thu sawiin mipuite chu tui renchem turin a ngen. 4. Khawvel hmun dang te rualin Mizoramah World Mental Health Day 2026 hman a ni. 5. Cybre Crime lama mipui leh sumdawngte harsatna tawh thin chinfelna kawnga hmalak nan Mizoram Police Cyber Crime hnuaiah Cyber Crime Coordination Unit hran din a ni. 6. World Bank sum hmanga Mizoram State Roads II, Regional Transport Connectivity hnuaia laih zauh TK Road kawngpui chu NHIDCL kutah hlan a ni. 7. Sub HQ BSF Aizawl hnuaia 191 Bn BSF te chuan vawiin khan Mamit Dist Rajiv Nagar ah a thlawna inentirna an buatsaih. 8. Mizoram hmundangte rualin Hnahthial District chhungah pawh Mizoram chhung lui dunga Sangha man phal loh hun (Close Season) chu vawiin atangin kenkawh tan a ni. 9. Siaha District Legal Services Authority (DLSA) buatsaihin vawiin khan District Court, Siaha ah ‘ Lok Adalat’ neih a ni a, thubuai 66 ngaihtuah a ni. National: 1. Union Health Minister Jagat Prakash Nadda chuan World Mental Health Day pualin sorkarlaipuiin rilru lama harsatna neite theihtawpa puih leh man tlawm zawka an inenkawl theih nan hma a la zel dawn a ni, a ti. 2. Prime Minister Narendra Modi chuan naktuk khian Chennai-ah metro rel service a hawng dawn. 3. Defence Minister Rajnath Singh chuan Rajasthan-ah sipai nunchan zir hona, Exercise Tarang Shakti 2026 a hmanpui. 4. Vawiina New Delhi, Jantar Mantar-a lungawilohna lantir tumte Delhi Police in an phalsak lo. 5. Union Finance Minister Nirmala Sitharaman chuan Singapore President Tharman Shanmugaratnam leh Prime Minister Lawrence Wong kawng hrang hranga ram pahnihte thawhdun zel dan tur a sawi pui. 6. India chuan United Nations-ah Jammu and Kashmir chungchanga dawt thu thehdarhtu Pakistan na takin a dem. 7. Uttar Pradesh sorkar chuan Jewar-a, Noida International Airport chu'Narendra Modi International Airport tiin a thlak dawn. 8. West Bengal, Assam, Tamil Nadu leh Puducherry-a by-election neih zawh takah BJP leh a thawhpuite an chak. 9. Uttar Pradesh atanga Rajya Sabha candidate mi 10 te chu chuhtu awm lova thlan tlin an ni. Follow DD Mizoram:   / ddnewsmizoram     / ddnews_mizoram     / ddnewsmizoram