Membru PFN períodu V, hala'o atividade Estudu Vizita iha munisípiu Bobonaro, Covalima, no RAEOA.

Objetivu husi atividade ne’e hodi: • Hakbesik ba Realidade: Lori membru sira haree rasik dezafiu iha área rurál no fronteira, liuliu ba asuntu 5 maka hanesan tuir mai ne’e: Edukasaun, Saúde, Empregu no Empregabilidade, Partisipasaun Sívika, Violensia no Krime. • Foti Dadus: Nu’udar parte husi sira-nia formasaun hodi identifika problema no dezafiu ne’ebé foin-sa’e sira iha area rurál enfrenta. • Dezenvolve Lideransa: Hametin membru sira-nia sentidu pertense no kbiit hodi buka solusaun ba problema sira ne'ebé sira-nia maluk foin-sa’e hasoru iha terrenu. Atividade ne’e realiza tanba hetan apoiu orsamentu husi Ministériu Juventude Desportu Arte no Kultura (MJDAC) no implemeta husi Alumni Parlamentu Foinsa’e Timor-Leste (APFTL).