Eu cantar, cantar cantei. Anxo Rei

Eu cantar, cantar cantei é unha canción de Anxo Rei con letra de Rosalía de Castro. Está incluída no disco Rosa, o último traballo de Anxo Rei, un disco producido e arranxado por Jorge F. Ojea, no que o cantautor valdeorrés interpreta cancións súas e lle pon música e voz a poemas de Rosalía, Celso Emilio, Xosé R. Ferrer, Darío Xoán Cabana e Pablo Neruda. Para a gravación Anxo Rei ( música e voz) contou cos violíns de Eunice Santos e as guitarras, teclados e programacións de Jorge Fernández Ojea. Foi mesturado e masterizado por Carlos Díaz en PullPush Estudios de Madrid.