用音符填補 希治閣 的鏡頭留白? | 1969年《觸目驚心》及《迷魂記》交響樂組曲 黑膠直錄 [廣東話]

今日想同大家分享呢張 1969 年 London Records 發行、由配樂巨匠伯納德·赫爾曼（Bernard Herrmann）親自指揮倫敦交響樂團（LSO）嘅經典之作——《希治閣 懸疑驚悚配樂精選》（Music from the Great Movie Thrillers）。 呢集內容會長少少，因為我除咗會講黑膠本身，亦會用比較多篇幅同大家傾下懸疑大師希治閣（Alfred Hitchcock）同赫爾曼呢對影史神級拍檔嘅幕後故事。 平時分享原聲帶通常係一張完整專輯，但今日呢張好獨特。大師赫爾曼將自己幾部經典電影嘅配樂徹底拆解、重新編寫成古典交響樂組曲（Medley）。呢張黑膠無咩物理音軌嘅切割線—因為大師特登唔想你跳歌，希望大家順住唱針，完整感受層層遞進嘅音樂故事。 我特別揀咗 A 面嘅《觸目驚心》（Psycho）同 B 面嘅《迷魂記》（Vertigo）同大家深入探討。除咗因為我自己鍾意呢兩部電影同配樂之外，更重要嘅係呢兩部戲有住千絲萬縷嘅淵源。大家知唔知希治閣一開始堅持《觸目驚心》內嘅經典浴室謀殺案係「不准有任何音樂」？而 1958 年上映嘅《迷魂記》喺票房慘敗後，希治閣嬲到動用法律將佢心愛嘅五部電影，包括：《奪魂索》、《後窗》、《怪屍案》、《擒凶記》同《迷魂記》嘅母帶全部鎖入保險庫，禁止全球重映。呢個舉動誕生咗影史傳奇嘅「希治閣五大禁片」。而正正係《迷魂記》嘅失意，先至逼到希治閣破釜沉舟，抵押豪宅拍出黑白恐怖片嘅天花板《觸目驚心》。 影片後半段內含精選黑膠直錄，帶大家一齊感受赫爾曼大師點樣用配樂，填補鏡頭裡最深沉嘅心理留白。歡迎留言分享你哋對呢張唱片、希治閣嘅電影，同埋赫爾曼大師編寫嘅組曲配樂有咩想法！ 🕒 影片時間軸 00:00 | 廣東話開場：將觀眾帶入恐懼深處的影史神級拍檔 00:31 | 拆解黑膠盤面：不設「物理音軌線」的不間斷交響旅程 01:14 | 驚悚配樂哲學：大師如何用層層遞進的旋律堆疊不安感？ 01:35 | 深入探討《觸目驚心》以及《迷魂記》的配樂及電影故事 04:06 | 黑膠盤 Mrs. Maple 落針！ 04:40 | Side B – Vertigo: Prelude (電影開場) 06:22 | Side B – Vertigo: Nightmare (主角受嚴重心理打擊後噩夢連連場景) 07:58 | Side B – Vertigo: Scène d'Amour (刻畫對亡魂病態癡迷的場景) 09:34 | Side A – Psycho: Prelude (電影開場) 10:30 | Side A – Psycho: Madhouse (主角的窺伺之癖) 11:26 | Side A – Psycho: The Murder (經典浴室謀殺案) 12:48 | 希治閣的飢餓行銷反擊：遭封鎖三十年的「五大禁片」 13:50 | 置之死地而後生：抵押豪宅拍出執導生涯最賺錢的《觸目驚心》 14:23 | 總結：以音符填補鏡頭的留白＆ 本集延伸傳記電影推介 🎛️🎚️音響器材清單 • 唱盤: TEAC TN-400BT-X • 錄音介面: Universal Audio Volt 2 • 唱針: Nagaoka MP110 • 影片輸入: iPhone 16 Pro Max 🎼 📆黑膠版本 • 唱片名稱：希治閣 懸疑驚悚配樂精選 | Music from the Great Movie Thrillers • 編號：London Records | SP44126 • 發行年份：1969 • 作曲家/指揮家：伯納德·赫爾曼 (Bernard Herrmann) • 演奏樂團：倫敦交響樂團 (London Symphony Orchestra) • 唱片格式：33 ⅓ RPM | 四階段立體聲 | 英國首版發行版 (免責聲明：本影片之音樂音質僅供交流、唱片版本評介與聽感分享用途。所有音樂版權均屬原創作者及唱片公司所有。) #希治閣 #伯納德赫爾曼 #黑膠 #觸目驚心 #迷魂記 #希科克 #驚魂記 #黑膠唱片 #唱片 #音樂 #原聲帶 #原聲大碟 #配樂 #電影配樂 #電影配樂大師系列 #倫敦交響樂團 #廣東話 #香港 #Unskilled33rpmMusicTurner #vinyl #vinylrecords #vinylcommunity #vinylrip #music #originalsoundtrack #ost #bgm #soundtrackvinyl #universalaudio #volt2 #hongkong #cantonese #londonrecords #deccaphase4 #bernardherrmann