ಪಾಪ ! ದ್ವಾರಕೀಶ್

ಲೊಚಗುಟ್ಟಿದ್ರು ಅವರು ! ಆ ಲೊಚಗುಟ್ಟುವಿಕೆ ಕೇವಲ ಶಬ್ಧ ಆಗಿರ್ಲಿಲ್ಲ ! ಅದು ಹೃದಯಾಂತರಾಳದಿಂದ ಬಂದಿದ್ದು ! ಎಂತಹ ಸಾಹಸಿಗರು ! ಮತ್ತೆ ಉದ್ಗರಿಸಿದ್ರು. ಕನ್ನಡ ಚಿತ್ರರಂಗದಲ್ಲಿ ಹಲವು ಮೊದಲುಗಳ ಮಾಡಿದವರು ! ಅದ್ಬುತ ಕಲಾವಿದ ! ಸಾಹಸಿ ನಿರ್ಮಾಪಕ ! ನಿರ್ದೇಶಕ ಕೂಡಾ ! ಹತ್ತಾರು ಕಲಾವಿದರನ್ನು ಬೆಳಕಿಗೆ ತಂದವರು ! ನೆನೆಸಿಕೊಂಡ್ರು, ಮೇಯರ್ ಮುತ್ತಣ್ಣನ್ನ ! ಸಿದ್ದಲಿಂಗಯ್ಯನವರಂತಹ ಪ್ರತಿಭಾವಂತರಿಗೆ ನಿರ್ದೇಶನಕ್ಕೆ ಅವಕಾಶ ನೀಡಿದೌವ್ರು ದ್ವಾರಕೀಶ್. ಇವತ್ತೂ ಸಹ ಮೇಯರ್ ಮುತ್ತಣ್ಣ ನೋಡಿದ್ರೆ ಖುಷಿಯಾಗ್ತದೆ ! ಚಪ್ಪರಿಸಿದ್ರು. ಮೊಟ್ಟ ಮೊದಲು ವಿದೇಶದಲ್ಲಿ ಶೂಟಿಂಗ್ ಮಾಡಿದ ನಿರ್ಮಾಪಕ. "ಸಿಂಗಾಪೂರ್ನಲ್ಲಿ ರಾಜಾ ಕುಳ್ಳ" ಬಹು ಚೆಂದದ ಚಿತ್ರ. ಆದ್ರೆ ಆಫ್ರಿಕಾಗೆ ಹೋಗಿ "ಆಫ್ರಿಕಾದಲ್ಲಿ ಶೀಲಾ" ಮಾಡಿ ಕೈಸುಟ್ಟುಕೊಂಡವರು. ಅಣ್ಣಾವ್ರ ಜೊತೆ 30ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಮಾಡೌರೆ ! ಸಾಹಸ ಸಿಂಹರೊಂದಿಗೆ ಅನುಪಮ ಜೋಡಿ ! ಭಾಗ್ಯವಂತರು ಎಂತಹ ಚಿತ್ರ ! ಅಣ್ಣಾವ್ರು, ಬಿ. ಸರೋಜಾದೇವಿ ಎಂತಹ ಅ್ಯಕ್ಟಿಂಗ್ ! ಆಪ್ತಮಿತ್ರ ! ರಿಮೇಕ್ ಆದ್ರೂ ಬಹು ಸೊಗಸಾದ ಚಿತ್ರ ! ಅವರ ಮಾತು ಮುಂದುವರಿದೇ ಇತ್ತು ! ನಾವೆಲ್ಲ ಸುಮ್ಮನೇ ಸೈಲೆಂಟಾಗಿ ಕೇಳಿಸ್ಕೊತ್ತಿದ್ದೋ ! ಆ ಹಿಂದಿ ಚಿತ್ರ, ರಾಜೇಶ್ ಖನ್ನಾ ಮಾಡಿದ್ದ "ಪ್ಯಾರ್ ಝುಕ್ತಾ ನಹಿ" ರಿಮೇಕನ್ನ "ನೀ ಬರೆದ ಕಾದಂಬರಿ" ಚೆನ್ನಾಗಿ ಮಾಡಿದ್ರು. ಲೀಲಾವತಿ‌ ಮಗ ವಿನೋದ್ ರಾಜ್, ಶೃತಿ ಎಲ್ಲರನ್ನ ಬೆಳಕಿಗೆ ತಂದೌರೇ ಅವ್ರು ! ಸೂಪರ್ ಸ್ಟಾರ್ ರಜನಿಕಾಂತನ್ನ ಆಕ್ಕೊಂಡ್‌ ತಮಿಳು ಸಿನಿಮಾಗಳ್ನೂ‌ ಮಾಡಿದ್ರು. ಶ್ರೀದೇವಿ ಹಿರೋಯಿನ್. ಆದ್ರೆ, . . ‌ ಮಕ್ಕಳನ್ನ ಹೀರೋ‌ ಮಾಡೋಕ್ಕೋಗಿ‌ ಕಷ್ಟಕ್ಕೆ ಸಿಕ್ಕಾಕ್ ಕೊಂಡ್ರು. ದುಡಿದಿದ್ದೆಲ್ಲಾ ಮಾರಿದ್ರು, ಗಲಾಟೆಗಳಾದ್ವು ! ಪೋಲೀಸ್ ಠಾಣೆಗೆ ಹೋಗ್ ಬೇಕಾಯ್ತು ! ಪಾಪ ! ಒಬ್ರೂ‌! ಒಬ್ರಾದ್ರೂ ಅವರ ಕಷ್ಟಕ್ಕೆ ನಿಂತ್ಕೊಂಡ್ರಾ ! ಕೃತಜ್ಘರು ! ಮಾತು ಅನುಕಂಪದಿಂದ ಕೋಪಕ್ಜೆ ತಿರುಗ್ತಿತ್ತು. ಬಿಡಿ, ಅಣ್ಣಾ ! ಆಗಿದ್ದು ಆಗೋಯ್ತು ! ಜೀವಾನೇ ಹೋಯ್ತು. ಯಾರಿಗ್ಯಾರೂ ಇಲ್ಲ, ಕೆಟ್ಟವಂಗೆ ಕೆಳೆಯಿಲ್ಲ, ಜಗದ ನೆಂಟ ನೀನೇ ಕೂಡಲಸಂಗಮದೇವಾ ! ಕನ್ನಡದ ದೇವರು ಬಸವಣ್ಣನವರ ವಚನದ ಸಾಲು ಹೇಳಿ ಸಮಾಧಾನಿಸಿದೆ. ಕಾಫಿ‌ ಸತ್ಸಂಗದವ್ರು ತಲೆ ಅಲ್ಲಾಡಿಸಿದ್ರು ! ಫ್ರೆಂಡ್ಸ್, ಮೇರು ನಟರ ಕುರಿತಾಗಿ ನಿಮ್ಮ ಪ್ರತಿಕ್ರಿಯೆ ನೀಡಿ. ಪಿನಾಕ - ನಿಮ್ಮ ಧ್ವನಿಗೆ Subscribe ಮತ್ತು ಗಂಟೆ ಗುರುತನ್ನ ಒತ್ತಿ ಪ್ರೋತ್ಸಾಹಿಸಿ