Wedding Day 25th Baisakh 2083, 8th May 2026 "Dr Jagrit weds Dr Ashmita"

पति र पत्नीका रूपमा हामी, आज हाम्रो एक दशक लामो चोखो प्रेम, धैर्य र समर्पणले विवाहको यो पवित्र रूप पाएको छ। दश वर्षभन्दा बढी समयसम्म सुख-दुःखमा एकअर्काको बलियो खम्बा बनेर उभिएपछि, दुवै परिवारको आशिष र खुसीका बीच आज हामी एउटै बन्धनमा बाँधिएका छौँ। यो मिलन हाम्रा लागि केवल एउटा सामाजिक रीतिरिवाज मात्र होइन, हाम्रो वर्षौंदेखिको सपना साकार भएको स्वर्णिम पल हो। यो पवित्र गाँठोसँगै हामी दुई भिन्न र समृद्ध—ब्राह्मण र ठकुरी संस्कृतिको सुन्दर सङ्गम गराउँदैछौँ। हामी दुवै एकअर्काको पारिवारिक पृष्ठभूमि, संस्कार र हुर्काइलाई हृदयदेखि नै सम्मान गर्छौँ। हाम्रा फरक रीतिरिवाजहरू नै हाम्रो यात्राका सुन्दर गहना हुन्, जसले हाम्रो सम्बन्धलाई अझ बढी ओजपूर्ण र आदरयुक्त बनाउनेछन्। अब हामी आफ्नो यो प्रेमलाई संसारकै सबैभन्दा सुन्दर ढंगले, पूर्ण रूपमा जिउन चाहन्छौँ। यो नयाँ यात्रामा हामी एकअर्काको व्यक्तिगत स्वतन्त्रता र गोपनीयतालाई हरपल सम्मान गर्नेछौँ। हामी बुझ्दछौँ कि विवाह भनेको एकअर्कालाई बाँध्नु होइन, बल्कि एकअर्काको पखेटा बनेर आकाशमा सँगै उड्नु हो। यही स्वतन्त्रताले हाम्रो प्रेमलाई सदैव ताजा र अजम्बरी बनाइरहनेछ। हाम्रो पछि कुरा काट्नेहरू होलान्, कसैलाई हाम्रो सामीप्यता मन नपर्ला र कोही भित्रभित्रै डाह (ईर्ष्या) गर्लान्। तर जुनसुकै परिस्थितिमा पनि हामी एकअर्काको लागि चट्टान झैँ अडिग भएर उभिनेछौँ। हाम्रा कुल पितृ, कुल मष्टाबराहा, कालापटेश्वर महादेव, नवग्रह र अष्ट चिरञ्जीवीको दिव्य आशिष र दैवी सुरक्षा कवचका साथ हामी सबै चुनौती र नकारात्मक ऊर्जाहरूलाई परास्त गर्दै सँगै अघि बढ्नेछौँ। हे सर्वशक्तिमान् दैवी शक्तिहरू, हाम्रा अन्तरहृदयका सबै मनोकांक्षाहरू पूरा गरिदिनुहोस् र हामीलाई सधैँ आफ्नो कल्याणकारी हातले डोर्‍याउनुहोस्। आगामी दिनहरूमा कहिलेकाहीँ कठिन समयहरू पनि आउन सक्छन्, तर हामी सधैँ धैर्यताका साथ ती परिस्थितिहरूको सामना गर्नेछौँ र हजुरहरूको आशीर्वाद शिरमा राखी एउटा समृद्ध जीवन निर्माण गर्न निरन्तर लगनशील भई अगाडि बढ्नेछौँ। Jagritashmita