מזמור כו - האם אני צדיק תמים ושלם? | תנ"ך - ספר תהלים | הרב אלעזר אהרנסון

תהלים פרק כו (א) לְדָוִ֨ד׀ שָׁפְטֵ֤נִי יְקֹוָ֗ק כִּֽי־אֲ֭נִי בְּתֻמִּ֣י הָלַ֑כְתִּי וּבַיקֹוָ֥ק בָּ֝טַ֗חְתִּי לֹ֣א אֶמְעָֽד: (ב) בְּחָנֵ֣נִי יְקֹוָ֣ק וְנַסֵּ֑נִי צרופה צָרְפָ֖ה כִלְיוֹתַ֣י וְלִבִּֽי: (ג) כִּֽי־חַ֭סְדְּךָ לְנֶ֣גֶד עֵינָ֑י וְ֝הִתְהַלַּ֗כְתִּי בַּאֲמִתֶּֽךָ: (ד) לֹא־יָ֭שַׁבְתִּי עִם־מְתֵי־שָׁ֑וְא וְעִ֥ם נַ֝עֲלָמִ֗ים לֹ֣א אָבֽוֹא: (ה) שָׂ֭נֵאתִי קְהַ֣ל מְרֵעִ֑ים וְעִם־רְ֝שָׁעִ֗ים לֹ֣א אֵשֵֽׁב: (ו) אֶרְחַ֣ץ בְּנִקָּי֣וֹן כַּפָּ֑י וַאֲסֹבְבָ֖ה אֶת־מִזְבַּחֲךָ֣ יְקֹוָֽק: (ז) לַ֭שְׁמִעַ בְּק֣וֹל תּוֹדָ֑ה וּ֝לְסַפֵּ֗ר כָּל־נִפְלְאוֹתֶֽיךָ: (ח) יְֽקֹוָ֗ק אָ֭הַבְתִּי מְע֣וֹן בֵּיתֶ֑ךָ וּ֝מְק֗וֹם מִשְׁכַּ֥ן כְּבוֹדֶֽךָ: (ט) אַל־תֶּאֱסֹ֣ף עִם־חַטָּאִ֣ים נַפְשִׁ֑י וְעִם־אַנְשֵׁ֖י דָמִ֣ים חַיָּֽי: (י) אֲשֶׁר־בִּידֵיהֶ֥ם זִמָּ֑ה וִֽ֝ימִינָ֗ם מָ֣לְאָה שֹּֽׁחַד: (יא) וַ֭אֲנִי בְּתֻמִּ֥י אֵלֵ֗ךְ פְּדֵ֣נִי וְחָנֵּֽנִי: (יב) רַ֭גְלִי עָֽמְדָ֣ה בְמִישׁ֑וֹר בְּ֝מַקְהֵלִ֗ים אֲבָרֵ֥ךְ יְקֹוָֽק: להצטרפות לקבוצת ווטסאפ שקטה של תורת ישיבת מעלות https://chat.whatsapp.com/JpRgbvP5uBl... ישיבת מעלות בספוטיפיי https://did.li/4rjZH ישיבת מעלות באפליקציית כולל (לבעלי מכשירים עם סינון) https://www.kolel.org/channel/yeshiva... ישיבת מעלות בפייסבוק https://did.li/PRU5q לאתר ישיבת מעלות https://yesmalot.co.il/