യഹോവയെ തള്ളി പിശാചിനെ ദൈവമാക്കുന്നവന്‍! ചവറ്റുകുട്ടയിലായ പാഷാണ്ഡതകളുമായി ഷിബു പീടിയേക്കൽ!

നിരീശ്വരവാദികളുടെയും ജിഹാദികളുടെയും പുതിയ കോമഡി പീസ് ആയ ഷിബു പീടിയേക്കല്‍ പ്രചരിപ്പിക്കുന്ന പൈശാചിക ദുരുപദേശങ്ങളുടെ ഖണ്ഡന പരമ്പരയിലെ ആദ്യ വീഡിയോ ആണിത്. യഹോവ ക്രിസ്ത്യാനികളുടെ ദൈവമല്ല എന്ന ഷിബുവിന്‍റെ പാഷാണ്ഡതയെ സഭാചരിത്രത്തിന്‍റെയും ദൈവശാസ്ത്രത്തിന്‍റെയും അടിസ്ഥാനത്തിൽ അതിശക്തമായി ഖണ്ഡിക്കുന്ന പഠനമാണിത്. ക്രിസ്തീയ ദൈവശാസ്ത്രത്തിലെ മുഖ്യചോദ്യം ഇവിടെ വളരെ പ്രസക്തമാണ്‌: യേശുക്രിസ്തു സ്വീകരിച്ച തിരുവെഴുത്തുകളെ നമുക്ക് തള്ളിക്കളയാമോ? അപ്പോസ്തലന്മാർ ഉദ്ധരിച്ച പഴയനിയമത്തെ നിഷേധിച്ചുകൊണ്ട് അപ്പോസ്തലിക വിശ്വാസത്തെ സംരക്ഷിക്കാന്‍ സാധിക്കുമോ? ക്രിസ്തുവിന്‍റെ ജീവിതവും മരണവും ഉയിർപ്പും മനസ്സിലാക്കുന്നതിൽ സൃഷ്ടി, പാപം, ഉടമ്പടി, പെസഹ, പ്രവചനം, ബലി, രക്ഷ എന്നിവയുടെ പഴയനിയമ പശ്ചാത്തലം പൂർണമായും ഒഴിവാക്കാനാകുമോ? ഈ ചോദ്യങ്ങൾ പുതിയതല്ല. ക്രിസ്തുവിന് ശേഷം രണ്ടാം നൂറ്റാണ്ടിൽ മാർസിയോൻ പഴയനിയമത്തിലെ ദൈവത്തെയും യേശുക്രിസ്തുവിലൂടെ വെളിപ്പെട്ട ദൈവത്തെയും വേർതിരിച്ചുകൊണ്ടുള്ള ഒരു ദൈവശാസ്ത്രരൂപം അവതരിപ്പിച്ചു. പഴയനിയമവും അതിന്‍റെ ദൈവശാസ്ത്രപരമായ പാരമ്പര്യവും ക്രിസ്തീയ വിശ്വാസത്തിൽ നിന്ന് നീക്കാൻ ശ്രമിച്ച ഈ സമീപനത്തിനെതിരെ ആദിമസഭ ശക്തമായി പ്രതികരിച്ചു. പോളികാർപ്പ്, ഐറേനിയൂസ്, തെർത്തുല്യൻ തുടങ്ങിയ സഭാപിതാക്കന്മാരുടെ പ്രതികരണം ഈ ചരിത്രത്തിന്‍റെ ഭാഗമാണ്. അതുകൊണ്ട് ഈ വീഡിയോ ചോദിക്കുന്നത് ഒരു അടിസ്ഥാനപ്രശ്നമാണ്: പഴയനിയമത്തിലെ ദൈവത്തെ നിരസിച്ചുകൊണ്ട് പുതിയനിയമത്തിലെ യേശുവിനെ പൂർണമായി മനസ്സിലാക്കാൻ കഴിയുമോ? അതുപോലെ തന്നെ: പുതിയനിയമത്തിലെ “ഹല്ലേലൂയാ” പോലുള്ള പദങ്ങളുടെ ദൈവനാമപരമായ പശ്ചാത്തലം എന്താണ്? തിരുവെഴുത്തിനെ സമഗ്രമായി വായിക്കാതെ ചില വാക്യങ്ങൾ മാത്രം തിരഞ്ഞെടുത്താൽ ശരിയായ ദൈവശാസ്ത്രം രൂപപ്പെടുമോ? പഴയനിയമത്തെ നിരസിക്കുന്നത് യഥാർത്ഥത്തിൽ ഒരു പുതിയ ആശയമാണോ, അതോ സഭാചരിത്രത്തിൽ മുമ്പേ പ്രത്യക്ഷപ്പെട്ട ഒരു പഴയ ദുരുപദേശത്തിന്‍റെ ആവർത്തനമാണോ? ഈ വീഡിയോയുടെ ലക്ഷ്യം ആരെയും വ്യക്തിപരമായി ആക്രമിക്കുക എന്നതല്ല. ഒരു ദുരുപദേശത്തെ അതിന്‍റെ ചരിത്രപരമായ ഉറവടം, ദൈവവചനത്തിന്‍റെ അടിസ്ഥാനങ്ങൾ, സഭാചരിത്രത്തിലെ പ്രതികരണങ്ങൾ എന്നിവയുടെ വെളിച്ചത്തിൽ പരിശോധിക്കുക എന്നതാണ്. വിയോജിപ്പ് സ്വാഗതം ചെയ്യുന്നു. എന്നാൽ ഒരു അക്കാദമികവും ദൈവശാസ്ത്രപരവുമായ സംവാദത്തിന് ആവശ്യമായത് ആരോപണങ്ങളല്ല; ഗ്രന്ഥം, ചരിത്രം, ഭാഷ, സന്ദർഭം, തെളിവ്, യുക്തി എന്നിവയാണ്. യഹോവയെ തള്ളിപ്പറയുന്നതിലൂടെ പുതിയനിയമത്തെയും യേശുക്രിസ്തുവിന്‍റെ രക്ഷാകര പദ്ധതിയെയുമാണ് ഇവർ നിഷേധിക്കുന്നത് എന്ന ഗുരുതരമായ സത്യം യുവജനങ്ങളെയും വിശ്വാസികളെയും ബോധ്യപ്പെടുത്താനാണ് ഈ അക്കാദമിക വിശകലനം ലക്ഷ്യമാക്കുന്നത്. വീഡിയോ പൂർണമായി കാണുക. വാദങ്ങൾ പരിശോധിക്കുക. തിരുവെഴുത്തുകൾ തുറന്ന് വായിക്കുക. ചരിത്രം പരിശോധിക്കുക. ശേഷം നിങ്ങളുടെ നിഗമനത്തിലെത്തുക. #ShibuPeediyekkal #HeresyRefuted #MalankaraOrthodoxChurch #IndianOrthodoxChurch #MalankaraOrthodox #OrthodoxChurch #OrientalOrthodox #OrthodoxFaith #OrthodoxTheology #OrthodoxApologetics #KottayamDiocese #KottayamOrthodox #KottayamCentral #Manarcad #ManarcadOrthodox #Kottayam #PathanamthittaOrthodox #Pathanamthitta #AlappuzhaOrthodox #Alappuzha #ErnakulamOrthodox #Ernakulam #KeralaOrthodox #MalankaraSabha #Devalokam #CatholicatePalace #MDseminary #MDseminaryKottayam #BaseliusCollege #CatholicateCollege #MOCBooks #StGregoriosMissionHospital #Parumala #ParumalaThirumeni #StGeorgeDayaraOthera #StBasilDayara #HolyTrinityAshram #BethanyAshram #MarBaseliusDayara #OrthodoxYouthMovement #MGOCSM #SundaySchool #OrthodoxSundaySchool #OrthodoxChristianity #SyriacChristianity #StThomasChristians #Nasrani #NasraniChristianity