{عرفوه بالعلم}(17) ماسك الهوا بإيديا

من نعم ربنا اللي الناس بيعتبروها تحصيل حاصل.. الغلاف الجوي.. اللي بيوفرلنا درجة الحرارة المناسبة اللي نقدر نعيش فيها.. و اللي من غيره.. الكرة الأرضية كان زمانها حيالله بولة آيس كريم عايمة في الفضا.. ده غير انه بيحمينا من مصايب جاية من الفضاء زي الأشعة الكونية و الأشعة فوق البنفسجية و غيرها.. البطانة اللي حوالين الأرض.. اللي هي الغلاف الجوي دي.. قوتها تعادل قوة جدار اسمنت مسلح سمكه ييجي ٥ متر.. لولا البطانة دي.. كان زماننا اتخرتقنا حرفيا بمصايب كتير من الفضا.. أشعة و جسيمات.. بلاش المصايب اللي جاية من برة الكوكب.. من غير الغلاف الجوي.. و المقاومة اللي بيعملها لأي حاجة بتقع على الأرض. كان المطر نفسه هايكون خطر علينا.. تخيل لو المطر نزل كله مرة واحدة دريب كده... من غير الهوا و الرياح اللي في الغلاف الجوي ينطوروره و يرشوه كده.. كان الوضع هايبقى عامل ازاي؟ و لكن مع الأهمية دي كلها.. المدهش.. ان حجم الغلاف الجوي أو سمكه.. بسيط جدا.. بسيط جدا ازاي يا عم؟.. ده سمكه ييجي ٢٠٠ كيلومتر!.. آه.. ده بالنسبة لك لما تشوفه و انت واقف على سطح الأرض.. لكن بالنسبة لحجم كوكب الأرض.. الوضع مختلف.. تخيل نفسك كده مسكت الكوكب كله.. و صغرته خليته بقى قد الكورة.. عارف الغلاف الجوي سمكه هايبقى قد ايه؟.. يا دوب قد طبقتين ورنيش تدهن بيهم الكورة!.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com