شيلة عتيبه قبيله تسر العين - كلمات سداح العتيبي - اداء نياف تركي 2022

‎لايك للفيديو + إشترك معنا subscribe + Like ‎فعل الجرس 🛎 ‎ليصلك كل جديد✔️ .. حفل زواج الشاب / نايف قاسم الجافل كلمات / سداح العتيبي أهداء من / طيب عمر الجافل اداء / نياف تركي ‏في حفلة عزاز الروس .. قدّم لي الهاجوس ‏مروبع على المنكوس .. اسويّه وابدابه ‏نهضت وبنيت بيوت .. بالدرّ والياقوت ‏وقلبي على الريموت .. مرهون لاحبابه ‏بعد ما نظمت القاف .. سلّمته لنياف ‏وعدّى على المشراف .. لجل يتغنّابه ‏ونياف ذكره شاع .. في ساحة الابداع ‏بدا نجمه اللماع .. ما مثله مشابه ‏من اليخت شع النور .. والطيبين حضور ‏بمحفل طوال شبور .. والعزّ لاصحابه ‏ذوي الجافل الاحرار .. ما دونهم معذار ‏رجال ٍ لهم مقدار .. ما نجهل حسابه ‏عدد ما تدن رعود .. عرض السحاب السود ‏وقامت تهب النود .. والمزن صبابه ‏هلا مرحبا بلسان .. من قلّط الضيفان ‏على الحيل والقعدان .. سلم ٍ تربّابه ‏ابو نايف بمبداه .. جعل الردي يفداه ‏يرحب بضيف ٍ جاه .. ومشرّع ٍ بابه ‏صميدع وطيب راس .. وسط الدجى مقباس ‏ومقدام بالنوماس .. حر ٍ بمخلابه ‏هذا خيّل الحجبا .. على الساس والنجبا ‏له مدوحنا وجبا .. ومدّ الثناء اولى به ‏عزاويه حاميها .. عن الغير راعيها ‏على العز يبديها .. لا شق الدهر نابه ‏مع آلاد مشيب ساد .. روس ٍ بكل بلاد ‏وزود ٍ على الامجاد .. من ربعي عتابه ‏شيابين بالطالات .. من ماضي ٍ قد فات ‏خذوا عزهم باثبات.. للطيب كسابه ‏على لطمة العيّال .. رجّالهم خيّال ‏ويسوا مية رجّال .. لا فتّل اشنابه ‏عتيبي و شيباني .. للامجاد عنواني ‏ولا جات مجّاني .. بتاريخ يحكى به ‏هل السيف ابو حدّين .. وقت الزمان الشين ‏ قبيلة تسرّ العين .. للنار شبابه ‏نواميس لعتيبه .. وركنٍ نماري به ‏على العزّ والهيبه .. كلامي له اسبابه ‏يا نايف يا نسل الطيب .. تستاهل التوجيب ‏وكل ٍ .. شباب و شيب .. سجل لك اعجابه ‏صميدع عريب اعماق .. للمرجله سباق ‏شهادة وطيب اخلاق .. والعلم تزهابه ‏زفافك يسر قلوب .. يا الغالي المحبوب ‏ومن كمل الماجوب .. تفرح له احبابه ‏نبارك لك بمسعاك .. قرم ٍ خذيت مناك ‏يعم الفرح دنياك .. حتى تهنّااااابه