**最後一晚之觀塘綫油麻地尾車編

錄於:21/8/2016(日 , 凌晨時份) , 車序 : 014 , 099→016 來到呢一晚，就係觀塘綫以油麻地為總站既最後一晚，過咗呢晚後，觀塘綫就改以何文田或黃埔做尾站(當然乘客仍要於油麻地站四號月台落車啦)。 喺呢段較長既片段中，由片頭開始就係往油麻地既尾班車(014: 361)，到達油麻地三號月台後，尾隨既跟尾不載客(099: 267)則喺片中轉為車序016(2:52)，其後兩邊月台均是最後一次係同時開往觀塘方向既列車，而361亦係最後一班載客列車係向何文田方向駛入油麻地站三號月台，同時月台已有廣播提醒乘客由21/8頭班車開始觀塘綫將改行新既運行模式。 到(6:26)，由油麻地站四號月台開出往觀塘方向既尾班列車即將開出，亦標誌著該月台唔會再有列車向調景嶺方向駛出，亦標誌著距離觀塘綫延綫通車又邁向新一步！ 其後(10:23 - 21:49)，亦順便記錄埋油麻地至鑽石山既觀塘尾車片段，站與站之間基本上以全速行駛，將啲鬼叫逼晒出來(y)，再配合埋尚未更換閃燈路線圖既M車作為最後一班由油麻地站四號月台開往觀塘既列車，可謂完美落幕… 注意:本影片版權屬mtrA363364所有,如需使用作公開或私人用途,請先得mtrA363364同意及批准,違者必究。 You are not allowed to make use of this video without mtrA363364's agreement and permission.