خالد ال بريك & عبدالله بن دخيل الله - عرش المفاخر 2026 حصرياً

مانيب قايل وقفوا لاطلالها ثار الجوا عدوا رسومٍ ماضية لين لمرادي تاصلون سمحت من طيشي ومن نشوة ملذات الهوا واودعت عهدة خاطري سلام من ريب المنون سلمت لك وايقنت بك يافالق الحب النوى سبحانك الواحد قضى امرك على كافٍ ونون ماغيرك اللي عالمن سر الوجود وما حوا نطلبك عفوك يوم لا ينفع لمال ولا بنون الليل عسعس فالوطا والنور فالافق انطوى ومالت مع انسام الصبا اليانعات من الغصون اخرم على قرع الفريد من النوادر وآخوا واصوغ من سحر البيان شعور في عذب اللحون ان همت في واد الرشا مومن بقدسية طوى الناس شتى في مذاهبها وفيما يعشقون وسرحان لو بيح كنينه بالنوايف لاعوا ماباح سدٍ صارع ظروف الدهر من دون عون ماعاد احمل شرهتي من غاب وابعده النوى بعد الذي عرض فوادي للمواجع والغبون يا كثر ماندمح خطا غالي ليا منه غوى ونعدل العوجا وننسفها على مبدا يمون بين التهور والصبر احتاج اوازن في القوى ماعاش راسي للندم ان عشت خيبات الظنون مقدام لو حظي على حلمي صدح مالك لوا ماني من اللي لا مضوا فـ الامر عنه يرجعون وان عرض الوقت المحك والراي بالريبه ذوا احدٍ يبشر بالسعد واحدٍ عن الهقوه في دون الطيب ماهو فالرخا طارف و مكسب من نوى الا بقومه واقعده وجنبٍ غلب من يدحمون ويمناً ندية بالسخا والجود تكرم من اوى وضلعٍ يذري من زبن واللي عليه يعولون مايكسبه خبلٍ عن الطاعه ومرجلته ثوا ان قام ما سرك ولا في صحبته طعمٍ ولون ماهو فقيد ولا انحسب اليا سرح واليا ضوا ماهوب لا معدل ولا مبدل ولاهم يحزنون يبهجك قرمٍ بالوفا بين الملا صيته دوا ما ينلحق بالطيب من جاروا لطيبه يتعبون معلق المشلح على عرش المفاخر واستوى الله يطول في بقاه وجعل راسه ما يهون عون الرفيق اللي من همومه تغربل و انكوا بدر سليل مخضبين الهند ووساع الطعون صليب راسٍ لا دحم يظفر بقوة وارهوى يفدا مواطيه الردي واللي لشبره يقصرون في حزةٍ يقدح شرار الشر والوجه التوا هذا زبون الصعب لا كلح وللكايد زبون لو ان للفزعه يجي مضمار بالعاب القوى يحطم الارقام ويفوز بسباق المارثون رباه عودن من قراح العز والعرف ارتوى حكيم رايٍ لابدا شوره فلج من يخصمون من لابتن تاريخها شامخ ويتعب من روى عزوة بني مشراف روس لكل طوله يكسبون المدح لنساق لاهله ياتي على اعلى مستوى اهل الثلاث المعجزات مطير حمران العيون للجار ريف وللرفيق اعذب من انسام الهوا اهل القرا والجود يوم ان العرب ما ياجدون تامن كنف هيباتهم صفرٍ وتارد للروا من دونها عزوة بني عبّاد يغشاهم جنون هوماتهم فوهة جحيمٍ من يصاليه انشوا ورهافهم تسرف بحذف الروس من فوق المتون من فعلهم كم سابقن من فوقها شيخن هوا كم غيروا مجرى تواريخ بمناويخٍ وكون #عبدالله_دخيل_الله_الكسر