Майлуу-Суу: Озгочо кырдаалдын кесепетин жоюу уланууда

12-январда Жалал-Абад облусунун Майлуу-Суу шаарында өзгөчө кырдаал режими киргизилген. Күчүнө кирген сууктан улам калкты таза суу жана жылуулук менен камсыздоо үзгүлтүккө учураган. Turmush басылмасынын кабарчылары абалды жеринен көрүп келди. Майлуу-Суу шаарын таза суу менен камсыз кылган суу топтоочу жайда суу тоңуп калган. Шаарга азырынча таза суу бериле элек. Жылуулук менен камсыздоо үчүн 1 отказанга суу берүү аракети көрүлүп жатат. Башкы суу түйүндө күнү-түнү кезек менен 20 кызматкер иштөөдө. Жарандык коргонуу кызматтары да кошо иштөөдө.