Ғаскер әні - Әскер әні (Алаш маршы) | Сөзі мен әні: Жүсіпбек Аймауытұлы; Орынд: Ескендір Хасанғали

«Ғаскер маршы» Арғы атам ер түрік Біз қазақ еліміз, Самал тау, шалқар көл Сарыарқа жеріміз. Сай сайлап мал айдап Сайрандап иен жайлап, Ерке өскен арқаның Еркесі серіміз. Біз жүрген алаштың Шын кемеңгеріміз! Егессек ел бермес Еңіреген еріміз. Бұғаудан босаған Біз долы арыстан Долданса болмайтын, Жаңа дау періміз! Ат мінсек, жел болып, Суылдап шабамыз. «Лап!» десек ерленіп Дуылдап жанамыз. Алаштың ақ туын Қолға алып, ақырып, «Алаш!» деп шапқанда, Жауға ойран саламыз! Ер түрік ежелден Оқ тескен етіміз! Қаймығып еш жаудан Қайтпаған бетіміз. Жаусын оқ, ақсын қан, Шықсын жан, қорқу жоқ. Алаштың жолында Жан қимақ – ниетіміз. Біздерге сөз бе екен, Жауыңның көп, азы!? Өлсек хақ шаһитпіз Өлтірсек біз ғазы. Жол болып жау шауып Сау қайтсақ боламыз Қазақтың шын ұлы, Қаһарман сабазы! Алаштың аруағы Жебесін, қолдасын! Ақсақал тілей гөр, Сапарды оңдасын! Жасаған жар болып, Қазақтың еліне Жасатсын, сақтасын Алаштың ордасын! Жүсіпбек Аймауытұлы 1918 жыл. #алашорда