သၟိၚ်ဗြာဇ္ဇ ညးတီကၠိုဟ်စဳကၠး ကိစ္စပရေၚ်ပၞာန်

မ္ၚဵုအလုံဂကူမန်သီုညးဂမၠိုၚ်ရအဴ အတိုၚ်မကဵုလဝ်ကတိ ဂှ်ရ တ္ၚဲဏံကၠုၚ်ပ္တိုန်ကဵု Video သွက်ဂွံဗဵုကလၚ် လိက်ပရေၚ် အ္စာကၞေဟ် ဗညာသာၚ်မန်(ကံဗိန်) ချူလဝ်ရ “သၟိၚ်ဗြာဇ္ဇ ညးတီကၠိုဟ်စဳကၠးကိစ္စပရေၚ်ပၞာန်” လိက်ပရေၚ်ဏံဝွံ ဒှ်လိက်ပရေၚ်ခိုဟ် မွဲပိုဒ် သွက်ဂကူမန် ညးမကတ်လ္ၚတ်လိက်မန် ဝၚ်မန်တအ်ရ။ ပ္ဍဲလိက်ပရေၚ်ဏံဝွံ ညးဓမံက်ထ္ၜးလဝ်ကဵု ဗီုစိုတ်ဓါတ်ဟွံဒး ဟွံဒုၚ် ဗီုသတ္တိဗျတ္တိ သရာဲပၞာန် ဗီုစဳစောန်ပရေၚ်ဝေၚ်ပၞာန် ပရေၚ်က္ဍိုက်က္ဍိုပ် ဗီုဂွိၚ်ကဵုသိက္ခာတၠညး ဗီုသစ္စနွံ တအ် ဂွံဆဵုကေတ်မာန်ရ။ “သၟိၚ်ဗြာဇ္ဇဂှ် ယၟုညးနူတမ်ဝါဒိတေံ နကဵုယၟု အမာတ်ဇၞော်သၟိၚ်သာံပြာပ်ညးကော်ခဴစရ။" “ပရေၚ်ပၞာန်တုဲဒှ်အာ နကဵုပရေၚ်တက်ကျာ ပရေၚ်ပၞာန်တုဲဒှ်အာ ပရေၚ်ဗ္တိုက် နကဵုကွတ်တဲ ရဴသာ်ဝွံဂှ် နွံတဴ(၂)ပြကာရ” “ယြဴညးမွဲတၠ သ္ပလဝ်စၟတ်သစ္စတုဲ သစ္စလီုဖံက်ပၠန်မ္ဂး ယဝ်ရအံၚ်ဇၞးကုညးကၠာရ အာယုက်ဟွံဂၠိၚ် လမျီုအိုတ် ၜိုန်ဟွံချိုတ်ကၠာရ ကလိဂွံတသိုက်စိုတ်ကာယ ဟွံသၟဟ်ရထရ။ ယဝ်ကျအာကုညးမ္ဂး ဒၟါနူသစ္စဟွံမွဲ ဒးလေၚ်အာမာန်ရောၚ်။” “ဂကောံသတ်တအ် ခပ်သဳတအ်ဂှ် ဘဝလအ်ဂွံစိုပ်ဍုၚ်ဇၞော်နိဗ္ဗာန် ဟွံစာ်စ္ဍးအာနူဓရ်လောက ဒ္စါံပြကာ မတွံဂး လာဘော အလာဘော ဒှ်တမ်ရဴသာ်ဝွံအဲမ္ဒးသ္ဂးဏာရ”