Մեր երգերը Մարգարիտ Սարգսյանի հետ - Աշխատանքային երգեր/Ճախարակի երգ

«Մեր երգերը և մենք»-ի այս հանդիպումը նվիրեցինք ժողովրդական երաժշտության ամենագունե՜ղ ու գեղեցիկ ժանրերից մեկին՝ աշխատանքային երգերին /ըստ Կոմիտասի` շինական երգեր/: Այս ժանրին են պատկանում բոլոր այն երգերը, որոնք կատարվում և ներկայացնում են գեղջուկի աշխատանքի գործընթացը: Դրանք բաժանվում են 2 խմբի՝ հողագործական և առտնին աշխատանքային երգեր, որոնք ժամանակին ֆոլկլորագետ Մ. Բրուտյանը դասակարգում էր նաև իբրև տղամարդկանց և կանանց: Հողագործական են կոչվում բոլոր այն աշխատանքային երգերը, որոնք կատարվում են գեղջուկի հողագործական աշխատանքի ընթացքում՝ գութաներգ, որ իբրև ժանր հայտնի է հոռովել անվամբ, կալի երգ, վար, ցանք, սայլի, քաղհանի… Իսկ առտնին աշխատանքային երգերը կապված են տնամերձ աշխատանքների հետ՝ կով կթել, հաց թխել, բուրդ գզել, հնձվորին հաց տանել, երբեմն նաև երեխա քնեցնել և այլն… Մեր հյուրն էր երաժշտագետ, ֆոլկորագետ, բանահավաք Մարգարիտ Սարգսյանը։ Երգերի բառերը՝ Հո՜յ Նարե, հո՜ յ Նարե, Ճախրակի ոտ փըշատ էր, Հո՜յ Նարե, հո՜ յ Նարե, Ճախրակ մանող շիմշատ էր: Հո՜յ Նարե, հո՜ յ Նարե, Ճախրակի ոտ շըլոր էր, Հո՜յ Նարե, հո՜ յ Նարե, Ճախրակ մանող կըլոր էր: Հո՜յ Նարե, հո՜ յ Նարե, Ճախրակի ոտ սալոր էր, Հո՜յ Նարե, հո՜ յ Նարե, Սև ծամերըդ կոլորեր: Հո՜յ Նարե, հո՜ յ Նարե, Ճախրակի ոտ բարդի էր, Հո՜յ Նարե, հո՜ յ Նարե, Մանողի հոտ վարդի էր։ «Մեր երգերը և մենք» նախաձեռնության ֆեյսբուքյան էջը՝   / hayerg