一隻鳥仔哮啾啾（六月田水）

這是古意頭一擺佮鋼琴合作，演出這塊「一隻鳥仔哮啾啾」。 這條民謠，原先號做「六月田水」，唱咱草地做穡的情景。歌詞以「六月」起頭，後壁隨人發揮。毋過，到咱台灣佇乙未戰爭，予日本人𧿬踏了後，這的曲調轉做悲傷慢撩的「一隻鳥仔哮啾啾」。咱祖公祖媽，親像彼揣無岫的鳥仔，踮無盡尾的夜，流浪哀啼。 阮共二條歌鬥做伙，想欲呈現時代的轉變。共款的調，無仝的韻，無仝的情境，這正是傳統音樂媠的所在。閣較讚的，是鋼琴家蔡明叡老師來共阮鬥贊手，產生一款無仝的意境。 同齊來聽，這塊走迵時空的「一隻鳥仔哮啾啾」。 #月琴 #民謠 #唸歌 #傳統音樂