សាវតាដើមនៃជនជាតិយួន និងដំណើរលេបយកទឹកដីចាម្ប៉ាទាំងមូល

-ដើមកំណើតជនជាតិយួន យួន ឬវៀតណាមសព្វថ្ងៃ ជារដ្ឋមួយនៅឧបទ្វីបឥណ្ឌូចិន ក្នុងតំបន់អាស៊ីភាគ អាគ្នេយ៍។ ផ្ទៃក្រឡាដ៏ធំធេង ហើយលាតសន្ធឹងវែងអន្លាយ ពីព្រំប្រទល់ចិនភាគខាងត្បូង ទៅដល់ជ្រោយទឹកខ្មៅ(កម្ពុជាក្រោម)នេះ កើតមកពីការផ្សំគ្នា រវាងផែនដី៣ចំណែក ដែលមាន ៖ ១. តុងកឹង ឬយួនខាងជើង (អតីតដែនដីនៃជាតិពន្ធុឡាក់វៀត) ; ២. អណ្ណាម ឬយួនកណ្តាល (អតីតដែនដីនៃនគរចម្ប៉ា) និង ៣. កូសាំងស៊ីន ឬយួនខាងត្បូង (អតីតដែនដីនៃកម្ពុជាក្រោម)។ តើការផ្សំគ្នារវាងផែនដី៣បំណែកនេះ បានប្រព្រឹត្តទៅ តាមរបៀបណា? តើប្រភពដើម, ទីតាំង និងដើមកំណើតយួនពិតប្រាកដ នៅឯណា? ប្រភពយូចក្នុងដែនដីចិនសព្វថ្ងៃ ជាការពិតណាស់មុនសករាជយើងនេះ និងមុនការចាប់ផ្ដើមនៃប្រវត្តិសាស្ត្រយួន ឬវៀតណាម, រាជាណាចក្រវ៉ានឡុង ដែលគ្រប់គ្រងដោយរាជវង្សហុង ហើយដែលមួយភាគធំគ្រប ដណ្តប់លើតុងកឹង ឬយួនខាងជើងសព្វថ្ងៃ, ជាដែនដីរបស់ជាតិពន្ធុឡាក់វៀត។ ពួក ឡាក់វៀតនេះ ស្ថិតនៅក្នុងចំណោមក្រុមជាតិពន្ធុទាំងឡាយ ដែលរស់នៅត្រង់ភាគខាង ត្បូងនៃទន្លេយ៉ង់ហ្ស៊ីឬទនេ្លខៀវ, ក្នុងដែនដីចិនសព្វថ្ងៃ、ដែលវែងជាងគេបំផុត មាន បណ្តោយ ៥.៩៨០គ.ម. និងប្រភពមកពីទីបេ។ ក្នុងបណ្តាក្រុមជាតិពន្ធុសំខាន់ៗជាងគេ គឺ ទី១ ពួកដុងវៀត រស់នៅតាមតំបន់ហ្សេហ្ស៊ីយ៉ាង ដែលជាខេត្តមួយនៅខាង អាគ្នេយ៍នៃប្រទេសចិន មានផ្ទៃដី១០១.០០០គ.ម.ក្រឡា ទី២ ពួកមាំន់វៀត រស់នៅ តាមតំបន់ហ៊ូហ៊ីយ៉ានឬហ៊ូតៀនខាងអាគ្នេយ៍នៃដែនដីចិន មានផ្ទៃដី១២០.០០០គ.ម. ក្រឡា ទី៣ ពួកណាមវៀត រស់នៅតាមតំបន់ក្វាងដុងឬក្វាងទុង ត្រង់ភាគខាងត្បូង នៃផែនដីចិន មានផ្ទៃដី១៧៦.០០០គ.ម.ក្រឡា និងមានទីក្រុងឈ្មោះកងតុង និង ពួកតាយអូន រស់នៅតាមតំបន់ក្វាងហ្ស៊ីឬក្វាងហ៊ី ដែលជាតំបន់ស្វយ័តនៃប្រទេសចិន ភាគខាងត្បូង មានផ្ទៃដី២៣០.០០០គ.ម.ក្រឡា។ ក្រុមជាតិពន្ធុទាំងអស់នេះ ត្រូវ បាន សម្គាល់តាមឈ្មោះតែមួយថា បាក់វៀត ដែលមានលេចឡើងជាលើកទី១ក្នុងចំណារ ប្រវត្តិសាស្ត្រ នារវាងសតវត្សទី២ ដល់ទី១មុនគ្រឹស្តសករាជ។ ដូច្នេះ, តាមការរាយរាប់ពីខាងលើ ហើយដើម្បីបានជាចម្លើយសំរាប់សំណួរពី ខាងដើម, យើង អាចសន្និដ្ឋានថា «ពួកណាមវៀតឬវៀតណាមឬយួន ដែលកាល ពីជាង២.២០០ឆ្នាំមុន បានរស់នៅក្នុងខេត្តក្វាងទុងនៃប្រទេសចិន មានទឹកដីរបស់ ខ្លួន នៅតុងកឹងឬយួនខាងជើងទេ, ហើយតុងកឹងឬយួនខាងជើងនេះ កាលដើមឡើយ មានឈ្មោះថា រាជាណាចក្រវ៉ានឡុង ដែលមានប្រជាជនជាពួកឡាក់វៀត និងគ្រប់គ្រងដោយរាជវង្សហុង»។ រីឯដំណើរដើមទងរបស់“ការកកើតនៃនគរណាមវៀត” មានដូចតទៅ... -ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។ -ខ្ញុំបាទជឿជាក់ថា មិត្តអ្នកស្ដាប់គ្រប់ស្រទាប់វណ្ណៈ ដែលជារៀមច្បង ឬជាសិស្សប្អូន... នឹងមិនបណ្ដោយឱ្យចំណុចខ្វះខាតដែលកើតមាននៅក្នុងវីដេអូនេះ ត្រូវបន្ដរអត្ថិភាព ដោយគ្មានការកែលម្អរនោះឡើយ! -ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ! #ដើមកំណើតជនជាតិយួន #ដើមកំណើតប្រទេសវៀតណាម #ការបាត់បង់ទឹកដីចាម៉្បា