Դդմով Կրեմ-ապուր | Pumpkin Cream Soup | Sona Manukian

Աշնան սեզոնին դդմով կրեմ-ապուրն իմ ամենասիրածն է և, առհասարակ, այս եղանակին ես դդմով բաղադրատոմսեր հաճախ եմ պատրաստում: Ավելացնեմ նաև, որ ինձ համար ցանկացած կրեմ-ապուր լինի դա դդմով, լոլիկով թե բրոկոլիով, իդեալական է, երբ մատուցելիս վրան համեղ փշրաքներ եմ ավելացնում: Այս ապուրն էլ է այդպիսին: Այս սուպեր պարզ դդմով կրեմ-ապուրն ամենադասական ձևով է պատրասվում: Մեզ անհրաժեշտ է՝ 2.5-3 բ դդում, կեղևը հեռացրած և խորանարդաձև կտրատած (վիդեոն օգտակար է) 1 սպիտակ սոխ, բաժանած 4 մասի 1 խնձոր, բաժանած 8 մասի 1 թգ աղ 1 թգ կծու կայան կարմիր տաքդեղ 1 թգ քաղցր կարմիր տաքդեղ 1 թգ ուրց կամ օրեգանո 2 ճգ ձիթապտղի յուղ 2 բ եռացրած ջուր Մատուցելու համար փշրանքներ՝ 4-5 կտոր սերմերով սև հաց 3 ճգ վարսակի փաթիլներ 2 ճգ արևածաղկի սերմ 2 ճգ դդմի սերմ 1 ճգ չիայի սերմ 1 ճգ կտավատի սերմ ¾ թգ դարչին 1 թգ կծու կայան կարմիր տաքդեղ ¼ թգ քիմիոն 1 ճգ մեղր Բաղադրիչները համեմել համեմունքներով և ձիթապտղի յուղով: Շարել ջեռոցի ամանի մեջ և մոտավորապես 25 ր եփել 200C աստիճան տաքացրած ջեռոցում մինչ դդումը եփվի, կարամելացվի: Բաղադրիչները եփվելուց հետո տեղափոխել կաթսայի մեջ, ավելացնել 1.5 բ ջուր: Գազօջախի թույլ կրակի վրա դնել կաթսան և ձեռքի բլենդերով դդումը սկսել հարել: Եթե ապուրը թանձր լինի, ավելացնել մնացած 0.5 բ ջուրը: Մատուցելու համար վարսակի ալյուրն ու սերմերը մի թեթև բովել, որպիսի խրխրթան լինեն: Սերմերն ապուրին բացի գրավիչ համ ավելացնելուց նաև շատ առողջարար ճարպեր են պարունակում: Բովելիս ավելացնել համեմունքները: Բոված սերմերն ու վարսակի փաթիլները տեղափոխել ափսեի մեջ և խառնել մեղրի հետ: Սերմերով սև հացը տոստ անել, որպիսի խրթխրթան լինեն: Տաք վիճակում վրան ավելացնել աղ և օրեգանո, կտրատել քառակուսի կտորների և դնել ափսեի մեջ: Մատուցելու ժամանակն է. Խոր ափսեի մեջ լցնել դդումով կրեմ-ապուրը, մեջտեղում լցնել պատրաստած խրթխրթան փշրանքները և վայելել: Իսկապես շատ համեղ է: In my house, we can't have Fall without a delicious and healthy Pumpkin Cream Soup. I love the combination of roasted apples, onions, and diced pumpkins. I also like to have some kind of crunch element in this case I used whole-grain bread and homemade granola bunches! Try out this amazing and healthy recipe and make sure to let me know what you think! The music is our great and talented Tigran Hamasyan.