ភូមិគ្រឹះដង្ខៅហ៊រ ពិតជាស្អាតខ្លាំងណាស់ #society

facebook page   / society7followers   ភូមិគ្រឹះដង្ខៅហ៊រ ពិតជាស្អាតខ្លាំងណាស់ ធ្លាប់បានជិះកាត់ ឬចូលមើលភូមិគ្រឹះដង្ខៅហ៊រឬនៅ? អេដមីនទៅកៀនស្វាយប៉ុន្មានដងលើកនេះ មិនដែលភ្លេចក្រឡែកភ្នែកមើលទេព្រោះស្អាតខ្លាំង ប្រសិនជាអ្នកទាំងអស់គ្នាធ្វើដំណើរតាមបណ្តោយផ្លូវជាតិលេខ១ ទិសដៅពីផ្សារគគីរទៅកំពង់ផែភ្នំពេញប្រហែល 2គីឡូម៉ែត្រ អ្នកនឹងពើបប្រទះនឹងអគារចាស់មួយនៅខាងស្តាំដៃ។ អ្វីដែលជាភាពទាក់ទាញនៃអគារនេះគឺភាពធំសម្បើម ការរចនា និងការរក្សាទ្រង់ទ្រាយដើម។ ខុសប្លែកពីសំណង់អាណានិគមផ្សេងៗដែលយើងឃើញនៅសេសសល់រហូតមកដល់បច្ចុប្បន្ន អគារមួយនេះហាក់បីដូចជានៅល្អភាគច្រើន ក្បូរក្បាច់រចនាមិនទាន់បាក់បែករបូតខូចខាតនៅឡើយ រីឯគ្រោងទាំងមូលក៏នៅរក្សាទ្រង់ទ្រាយដើមស្ទើរតែទាំងអស់។ យើងអាចដឹងភ្លាមៗបានថាអគារនេះត្រូវបានសាងសង់ក្នុងសម័យកម្ពុជាយើងនៅក្រោមការត្រួតត្រានៃអាណាព្យាបាលបារាំង ម្ចាស់ផ្ទះអាចជាអ្នកមានធនធានច្រើន ឋានៈខ្ពង់ខ្ពស់ក្នុងសម័យកាលនោះ រីឯអ្នកគូរប្លង់និងសាងសង់ជាបុគ្គលដែលមានទឹកដៃមិនធម្មតានោះឡើយ។ តែជាអកុសលអគារចំណាស់មួយនេះហាក់បីដូចជាត្រូវបានបោះបង់ ពុំត្រូវបានប្រើប្រាស់ ឬជួសជុលឡើងវិញនៅឡើយ។ បើតាមការលើកឡើងពីសាធារណជនមួយចំនួនអំពីប្រវត្តិផ្ទះនេះបាននិយាយថា៖ ម្ចាស់ផ្ទះនេះមានងារជាដង្ខៅ ប្តីប្រពន្ធមានឈ្មោះ កុងហ៊រ យាយហួយ ។ គ្រួសារអ្នកទាំងពីរត្រូវបានស្លាប់ក្នុងរបបខ្មែរក្រហម។ ក្រោយមកផ្ទះនេះត្រូវបានថែរក្សា ដោយអតីតឈ្នួលបម្រើក្នុងផ្ទះនេះ តាំងពីជំនាន់យាយរហូតដល់ចៅ។ បច្ចុប្បន្នផ្ទះនិងដី ជាកម្មសិទ្ធិរបស់រដ្ឋ វាក៏ធ្លាប់ជាអតីតសាលាឃ៉ំគគីរផងដែរ។ សង្ឃឹមថាសំណង់អគារមួយនេះនឹងទទួលបានការជួសជុលក្នុងពេលឆាប់ៗ ដើម្បីជាប្រយោជន៍ដល់ការសិក្សា ស្រាវជ្រាវសំរាប់សិស្សនិសិ្សត និងភាពទាក់ទាញមួយសំរាប់ភ្ញៀវទេសចរណ៍មកទស្សនាប្រទេសកម្ពុជាយើង ៕ ​​​ ភូមិគ្រឹះ​នេះ​មាន​ទីតាំងនៅ​ភូមិ​ស្លាប​តាឱន​ ​ឃុំ​គ​គីរ​ ​ស្រុកកៀនស្វាយ​ ​ខេត្ត​កណ្ដាល​ ​មាន​ចម្ងាយ​ ​២០​ ​គីឡូម៉ែត្រ​ពី​រាជធានី​ភ្នំពេញ ប្រភព៖ fb ដំណើររុករក - Explore