ګل ولي پسرلی هغه افغان چې په ۱۳ کلنۍ کې يي په قاچاقي لارو ځان بریتانیا ته ورساوه

ګل ولي پسرلی ۱۲ کلن و چې افغانستان يي پریښود او په سختو قاچاقي لارو يي ځان بریتانیا ته ورساوه. پسرلی څو میاشتې د فرانسې په شمال کالې ساحلي ښار کې تر خیمو لاندې سختې شپې او ورځې تیرې کړې خو بالاخره په لارۍ موټر کې يي بریتانیا ته ورساوه. وروسته يي په بریتانیا کې تابعیت ترلاسه کړ، مانچسټر پوهنتون کې يي زده کړې وکړې او د خپل ژوند په اړه يي یو کتاب هم ولیکه چې د کتاب له امله د نړۍ مختلفو هیوادونو ته يي سفرونه وکړل. کډوال نیوز د بریتانیا په کیټرنګ ښار کې له نوموړي سره خبرې کړې.