Արցախում տեղի ունեցած ծեծկռտուքը ԱԱԾ-ի հատուկ ջոկատայինների և քաղաքացիների միջև

Համացանցում է հայտնվել Ստեփանակերտի ծեծկռտուքի տեսանյութը, որտեղ սլաքներով նշված են վեճի բոլոր մասնակիցները։ Հիշեցնենք, որ հունիսի 1-ին միջադեպ է գրանցվել ԱԱԾ հատուկ ջոկատայինների ու քաղաքացիների միջև: Ժամը 19.15-ի սահմաններում Ստեփանակերտ քաղաքի Բաղրամյան-2բ հասցեի դիմաց, կենցաղային հարցերի շուրջ վիճաբանություն է առաջացել, մի կողմից, Դավիթ Հարությունյանի և Ալբերտ Ավետիսյանի, մյուս կողմից, Մհեր Մուսայելյանի (ԱԱԾ աշխատող), Մխիթար Մուսայելյանի, Սերգեյ Մուսայելյանի, Գուրգեն Հայրապետյանի և Վարդան Ղարամյանի (ԱԱԾ աշխատող) միջև, որի ընթացքում կողմերը հարվածներ են հասցրել միմյանց` պատճառելով մարմնական վնասվածքներ: Միջադեպը մեծ աղմուկ է հանել Արցախում, բողոքի ակցիա է ընթանում պահանջելով ոստիկանության պետի և Ազգային անվտանգության ծառայության տնօրենի, ինչպես նաև իրավապահ մարմինների միջին օղակի մի շարք պատասխանատուների հրաժարականը։