နှင်းဆီဝေး - ဘိုဖြူ

နှင်းဆီဝေး တေးရေး - အယ်ဖြူ တေးဆို - ဘိုဖြူ ---***--- ရင်မှာနာကျင်နေတယ် ဘယ်လိုပြောရမလဲ အခြေအနေတွေကိုမလွန်ခင် ဘယ်လိုတားဆီးမလဲ အကြိမ်ကြိမ်သာ မောပန်းဆဲ ဘယ်လိုမှ မလွတ်မြောက်ခဲ့ ငါ့မှာ စွဲလန်းခြင်းနဲ့ ကူးခတ်နေဆဲ... မြင်သာထင်သာပါတယ် ဒီမျက်ဝန်းထဲ အဖြူရောင်နယ်မြေအလွန်မှာ ဘာတွေရှိလိမ့်မလဲ မရေရာတဲ့ ငါ့ဘဝအတွက် နာကျင်စရာ ဆူးများနဲ့ ဝိုင်းကာခြံရံနေသူ အို မိန်းကလေးရယ်... ငါလေအဝေးဆုံးအဝေးသို့ သွားလိုက်ချင်တယ် တလည်လည်စိတ်က မင်းအနားရောက်ရောက်နေတယ် ပန်းနှင်းဆီဖူးလေးရယ် ဆူးချက်တွေထက်ခဲ့တယ် ဒီလူရင်မှာ ဒဏ်ရာတွေသာဆက်ခဲ့တယ် ငါလေအဝေးဆုံးအဝေးသို့ သွားလိုက်ချင်တယ် ဘယ်လိုမေ့ဖျောက်လို့ မရနိင်သေးလဲ ပန်းနှင်းဆီဖူးလေးရယ် ဆူးချက်တွေထက်ခဲ့တယ် ရင်ထဲမှာ စီးဆင်းခဲ့တဲ့မျက်ရည်များနဲ့ ရှင်သန်နေမယ်...