#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២៦ ខែតុលា ឆ្នាំ២០២៦ «អ្នកគឺជាផលផ្លែនៃសេចក្ដីសន្យានោះ»

#ចំណងជើងវីដេអូ៖ «អ្នកគឺជាផលផ្លែនៃសេចក្ដីសន្យានោះ» You’re The Result Of The Covenant #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២៦ ខែតុលា ឆ្នាំ២០២៦ «អ្នកគឺជាផលផ្លែនៃសេចក្ដីសន្យានោះ» You’re The Result Of The Covenant #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «អ្នក​រាល់​គ្នា​ជា​ដំណ​វង្ស​នៃ​ពួក​ហោរា នឹង​សេចក្ដី​សញ្ញា ដែល​ព្រះ​បាន​តាំង​នឹង​ពួក​ឰយុកោ​យើង​រាល់​គ្នា ដោយ​មាន​បន្ទូល​នឹង​លោក​អ័ប្រា‌ហាំ​ថា «អស់​ទាំង​គ្រួសារ​នៅ​ផែនដី​នឹង​បាន​ពរ​ដោយ‌សារ​ពូជ​ឯង» (កិច្ចការ 3:25)។ មានគ្រីស្ទានមួយចំនួន បាននិយាយដោយមានទំនុកចិត្តថា៖ «ខ្ញុំស្ថិតនៅក្នុងសេចក្ដីសន្យានជាមួយនឹងព្រះ»។ វាស្តាប់ទៅដូចជាមានភាពចាស់ទុំខាងឯព្រលឹងវិញ្ញាណណាស់ ហើយវាជាពាក្យដែលគេនិយមប្រើប្រាស់យ៉ាងទូលំទូលាយ នៅក្នុងចំណោមពួកអ្នកគ្រីស្ទានផងដែរ។ ក៏ប៉ុន្តែ ភាពពេញនិយមនៃសេចក្តីបង្រៀនមួយ វាមិនមែនបានន័យថា៖ត្រឹមត្រូវនោះឡើយ។ អ្នកគឺជាពូជពង្សរបស់លោកអាប្រាហាំ ដែលមាននៅក្នុងគ្រីស្ទព្រះយេស៊ូវ។ តាមរយៈព្រះយេស៊ូវ នោះអ្នកគឺជាផលផ្លែនៃសេចក្ដីសន្យារបស់លោកអាប្រាហាំដែរ។ សូមគិតអំពីសេចក្ដីសញ្ញា ឬកិច្ចព្រមព្រៀងនៃអាពាហ៍ពិពាហ៍រវាងប្តីប្រពន្ធ វានឹងជួយឲ្យអ្នកយល់ពីចំណុចនេះកាន់តែច្បាស់ឡើង។ ប្តី និងប្រពន្ធ នឹងចូលទៅកាន់កិច្ចព្រមព្រៀងមួយ តាមរយៈអាពាហ៍ពិពាហ៍ ក៏ប៉ុន្តែកូនៗរបស់ពួកគេវិញ មិនមែនជាភាគីនៃកិច្ចព្រមព្រៀងនោះទេ, តែផ្ទុយទៅវិញ កូនៗគឺជាផលផ្លែនៃកិច្ចព្រមព្រៀងនោះ។ ពួកគេគឺជាលទ្ធផល ដែលកើតចេញពីការរួមរស់ជាធ្លុងតែមួយ ដែលត្រូវបានបង្កើតឡើង ដោយកិច្ចព្រមព្រៀងនៃអាពាហ៍ពិពាហ៍របស់ឪពុកម្តាយរបស់ខ្លួន។ ក្នុងន័យដូចគ្នានេះដែរ អ្នកគ្រីស្ទាន មិនមែនជាមនុស្សដែលកំពុងតែព្យាយាមរក្សាទំនាក់ទំនងនៃកិច្ចព្រមព្រៀង ឬសេចក្ដីសញ្ញាជាមួយនឹងព្រះ ឬជាមួយនឹងព្រះអម្ចាស់យេស៊ូវនោះទេ។ អ្នកគ្រីស្ទាន គឺជាផលផ្លែនៃកិច្ចព្រមព្រៀង ឬសេចក្ដីសញ្ញានោះ។ ដោយសារតែអ្នកបានកើតចេញពីព្រះ នោះអ្នកគឺជាអ្នកបន្តមរតកនៃព្រះពរទាំងឡាយនៃសេចក្ដីសញ្ញានោះផងដែរ។ នោះហើយជាមូលហេតុដែលព្រះគម្ពីរ​ មិនបានពិពណ៌នាអំពីអ្នកគ្រីស្ទានថា៖ គ្រាន់តែជាអ្នកថ្វាយបង្គំ ឬជាអ្នកបម្រើរបស់ព្រះនោះឡើយ។ តែអ្នកគ្រីស្ទាន គឺជាមនុស្សដែលបានកើតជាថ្មី ដោយមានជីវិត និងធម្មជាតិផ្ទាល់របស់ព្រះតែម្ដង។ អ្នកគឺត្រូវបានបង្កើតឡើងជាថ្មី ជាមនុស្សប្រភេទថ្មី, អត្តសញ្ញាណរបស់អ្នកត្រូវ ចាក់ឬសជាមួយនឹងជីវិតបែបព្រះ ដែលអ្នកបានទទួលនៅក្នុងព្រះគ្រីស្ទ។ ការយល់ដឹងមួយនេះ នឹងលើកស្ទួយជំនឿរបស់អ្នកទៅកាន់កម្រិតមួយកាន់តែខ្ពស់ឡើង។ អ្នកមិនចូលទៅជិតព្រះដោយសង្ឃឹមថា៖ ទ្រង់នឹងផ្តល់កិត្តិយសសម្រាបកិច្ចព្រមព្រៀង ឬសេចក្ដីសញ្ញា ដែលអ្នកគិតថា៖ អ្នកមានភាពរួមជាមួយនឹងទ្រង់នោះទេ។ តែផ្ទុយទៅវិញ អ្នករស់នៅដោយមានការដឹងខ្លួនឯងថា៖ អ្នកបានកើតចេញពីទ្រង់ និងនៅក្នុងគ្រួសាររបស់ទ្រង់, អ្នកជាអ្នកបន្តមរតករបស់ព្រះ និងជាអ្នកទទួលមរតករួមជាមួយនឹងព្រះគ្រីស្ទ (រ៉ូម ៨:១៧)។ លើសពីនេះទៅទៀត ព្រះគម្ពីរចែងថា៖ «ហើយ​បើ​អ្នក​រាល់​គ្នា​ជា​របស់​ផង​ព្រះ‌គ្រីស្ទ នោះ​ក៏​ពេញ​ជា​ពូជ​របស់​លោក​អ័ប្រា‌ហាំ​ហើយ ក៏​ជា​អ្នក​គ្រង​មរដក​តាម​សេចក្ដី​សន្យា​ផង» (កាឡាទី ៣:២៩)។ អ្នកមិនមែនកំពុងតែព្យាយាមទាមទារព្រះពរតាមសេចក្ដីសន្យានោះទេ តែអ្នកគឺជាអ្នកបន្តមរតក ឬជាអ្នកទទួលព្រះពរតាមសេចក្ដីសន្យានោះរួចជាស្រេចហើយ ពីព្រោះអ្នកជារបស់ព្រះគ្រីស្ទ។ សូមកុំកាត់បន្ថយទំនាក់ទំនងរបស់អ្នកជាមួយនឹងព្រះឲ្យត្រឹមជាមនុស្ស ដែលឈរនៅខាងក្រៅ ហើយអំពាវនាវដល់លក្ខខណ្ឌនៃសេចក្ដីសន្យានោះឲ្យសោះ។ អ្នកគឺជាម្នាក់នោះ ហើយក៏ស្ថិតក្នុងផ្ទះរបស់ព្រះវរបិតាដែរ។ អ្នកគឺជាកូនរបស់ទ្រង់ ដែលបានកើតចេញពីព្រះវិញ្ញាណ ហើយជាផលផ្លែនៃសេចក្ដីសញ្ញាថ្មី ដែលត្រូវបានបង្កើតឡើងតាមសេចក្តីសន្យាដ៏ប្រពៃជាង នោះគឺតាមរយៈការសុគត ការបញ្ចុះក្នុងផ្នូរ និងការរស់ឡើងវិញរបស់ព្រះគ្រីស្ទយេស៊ូវ។ #ការប្រកាសជំនឿ នៅក្នុងព្រះគ្រីស្ទយេស៊ូវ នោះទូលបង្គំបានធ្វើឲ្យក្លាយជារាស្ត្ររួមជាមួយនឹងពួកបរិសុទ្ធ និងជាសមាជិកនៃគ្រួសាររបស់ព្រះ។ ទូលបង្គំបានកើតចេញពីព្រះ ដោយមានធម្មជាតិរបស់ព្រះដែរ។ ទូលបង្គំគឺជាអ្នកបន្តមរតករបស់ព្រះ ជាអ្នកទទួលមរតករួមជាមួយនឹងព្រះគ្រីស្ទ និងជាអ្នកបន្តមរតកតាមព្រះពរនៃសេចក្ដីសន្យា។ ទូលបង្គំរស់នៅដោយដឹងខ្លួន អំពីមរតករបស់ខ្លួន ទាំងរីករាយនឹងភាពពេញបរិបូរនៃអ្វីៗទាំងអស់ ដែលព្រះគ្រីស្ទបានសម្រេចសម្រាប់ទូលបង្គំផងដែរ ក្នុងព្រះនាមព្រះយេស៊ូវ។ អាម៉ែន។ #ការសិក្សាបន្ថែម៖ អេភេសូ ២:១៩ រ៉ូម ៨:១៦-១៧ កាឡាទី ៣:២៩