Айдынында жүзген ақ кеме || қайраткер Төлебай Орынбаевтың өмірі | Деректі фильм

Бір кездері Арал теңізі тірі еді: онда ақ кемелер жүзіп, жағасында балықшылар колхозы жұмыс істейтін. Бұл фильм — сол жерде бүкіл ғұмырын өткізген адам және қазір жоқ болып кеткен теңіз туралы. Бұл фильм Төлебай Орынбаев туралы. Ел ішінде «Ақ Төкең» атанған, бүкіл ғұмырын Арал өңіріне арнаған азамат туралы. Бір кездері Арал теңізі толқып жататын. Жағасын толқын ұрып, айдынында ақ кемелер жүзетін. Сол кемелердің бірінде Төлебай Орынбаев та еңбек етті. Ол 1926 жылы Қаратереңде дүниеге келген. Соғыс жылдарында елмен бірге еңбек етті. Қарапайым балықшыдан бастап балық колхоздарының басшылығына дейін көтерілді. Бірақ ол үшін басшылық үлкен қызмет емес, елге қызмет ету болатын. Қаратереңде күні бүгінге дейін «Төлебай дамбасы» аталып кеткен бөгет бар. Бұл да оның елге қалдырған еңбегінің бір белгісі. Уақыт өте теңіз тартылды. Кемелер тоқтады. Бірақ Төлебай Орынбаевтың есімі ел жадында қалды. ━━━━━━━━━━━━━━━━━━━━ Мен Бағлан Төлебай, атамның немересімін. Осы фильмді өзім түсірдім. Отбасымыздағы ескі мұрағаттарды қарап, суреттерді жинадым. Атамды көзі көрген адамдармен сөйлестім. Олардың арасында атам туралы соңғы естеліктерді айтып отырған жандар да бар. Бұл фильм арқылы атамның өмірін, Аралдың өткенін және сол кезеңді көрген адамдардың естеліктерін сақтап қалғым келді. Ақ кеме атамның өмірімен байланысты. Ал ақ айдын оның ақ көңіліндей көрінеді. Төлебай Орынбаевтың туғанына 100 жыл толуына орай түсірілді. ━━━━━━━━━━━━━━━━━━━━ 📍 Деректі фильм | Қазақша | 2026 🎬 Түсірген: Dansai Studios ━━━━━━━━━━━━━━━━━━━━ 💬 Атамды көрген, бірге жұмыс істеген немесе ол туралы естелігі бар жандар болса, пікірге жазып қалдырыңыздар. Әрбір естелік біз үшін маңызды. #ТөлебайОрынбаев #АқТөкең #АйдынындаЖүзгенАқКеме #Арал #АралТеңізі #Қаратерең #ДеректіФильм #Қазақстан #DansaiStudios