Khit Thit Morning News | 2 August 2026

Khit Thit သတင်းဌာန၏ ဩဂုတ် ၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၂ ရက် မနက်ပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ စစ်တပ်ဆက်နွယ်ရာ ထူး ဆီဆိုင် ၊ Denko ဆီဆိုင်နဲ့ PT Power ဆီဆိုင် အပါအဝင် ခရိုနီစက်သုံးဆီအရောင်းဆိုင်တွေက QR စကန် မဖတ်ဘဲ စစ်တပ်၊ ရဲနဲ့ ဌာနဆိုင်ရာဝန်ထမ်းတွေကို ဆီရောင်းပေးနေရတယ်ဆိုပြီး ဆီမှောင်ခိုထုတ်ရောင်းနေကြတယ်လို့ စက်သုံးဆီလုပ်ငန်းနဲ့နီးစပ်သူ တွေက ပြောဆိုလာပါတယ်။ တနင်္သာရီတိုင်း၊ လောင်းလုံးမြို့နယ်မှာ တော်လှန်ရေးတပ်တွေ အရှင် ဖမ်းဆီးရမိထားတဲ့ ထားဝယ်ရေနက်ဆိပ်ကမ်းစီမံကိန်းက စစ်တပ်လက်အောက်ခံ ဒုတိယအကောက်ခွန်မှူး ဖြိုးစံဆိုသူဟာ အကြမ်းဖက် စစ်တပ်ရဲ့ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး အောင်မြိုင်ရဲ့ သားဖြစ်သူလို့ သိရပါတယ်။ လက်ရှိပြည်တွင်းမှာ တော်လှန်ရေးတပ်တွေ ထိန်းချုပ်ထားတဲ့ နိုင်ငံခြားရင်းနှီးမြှုပ်နှံမှု စီမံကိန်းတွေနဲ့ သယံဇာတ ထုတ်ယူရေးဒေသတွေမှာ စစ်ရေးပိုမိုပြင်းထန်လာနိုင်တယ်လို့ ISP-Myanmar က သတိပေးထားပါတယ်။ ကသာမြို့မှာ အကြမ်းဖက် စစ်တပ်လက်အောက်ခံ ထွေ/အုပ်အရာရှိ ထက်ဝင်း ဖွင့်လှစ်ထားတဲ့ အိန်ဂျယ် KTV က မိန်းကလေးကို ခေါ်ယူ ပျော်ပါးဖို့ စစ်တပ်ရဲ့ ခလရ ၄၂ က ဗိုလ်ကြီးဇင်ဘိုထွန်းနဲ့ ခမရ ၄ က ဗိုလ်မှူးဝေလင်းတို့ လုကြာရာကနေ ထိုးကြိတ်ရန်ဖြစ်ကြတယ်လို့ ဖမ်းဆီးခံရတဲ့ အမျိုးသမီးရဲ့ဝန်ခံထွက်ဆိုချက်အရ သိရပါတယ်။ အမေရိကန်သမ္မတ ထရမ့်က အီရန်အပေါ် ယုံကြည်မှုလျော့နည်းလာတယ်လို့ ပြောလိုက်ပြီး လက်ရှိ အမေရိကန်နဲ့အီရန်ကြား ဆွေးနွေးညှိနှိုင်းတာတွေ လုပ်နေတဲ့အချိန်မှာတောင် အီရန်ဘက်က ကတိမတည်တာတွေ၊ အမှန်တရားကို လွဲမှားစွာ ပြောဆိုတာတွေ ဆက်တိုက်လုပ်နေတဲ့အတွက် အီရန်ကို ယုံကြည်ဖို့ ခက်ခဲလာနေတယ်လို့ ထရမ့်က ပြောဆိုတဲ့လိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။