流氓阿德—曾經我也想過死死較快活 (Tsan-king guá iā siūnn kuè sí sí khah khuìnn-ua̍h)台語歌詞 原唱伴唱版 Tâi-gí kua-sû

官方原唱版：   • 流氓阿德 Ardor Huang【曾經我也想過一了百了 I Once Thought...   中島美嘉原曲原唱版：   • 中島美嘉 - 僕が死のうと思ったのは / THE FIRST TAKE   發行時間：2018.07 作詞：SA: 流氓阿德 作曲：秋田ひろむ 編曲：康士坦的變化球 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為一個人坐踮宇宙的夜班車 Sī in-uī tsi̍t-ê lâng tsē tiàm ú-tiū ê iā-pan-tshia 茫茫渺渺的光影 Bông bông biáu biáu ê kng-iánn 湯姆威茲的歌聲 Tom Waits ê kua-siann 期待世界末日緊呢（今仔日）來吧 Kî-thāi sè-kài bua̍t-ji̍t kín-ne(kin-á-ji̍t) lai pa 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為一个人獨唱的生日快樂歌 Sī in-uī tsi̍t-ê lâng to̍k-tshiùnn ê senn-ji̍t-khuài-lo̍k kua 點著問號的人生 Tiám tio̍h mn̄g-hō ê jîn-sing 毋捌成真的願望 M̄ pat sîng-tsin ê guān-bōng 拍開下晡買予家己驚喜的禮物盒 Phah-khui ē-poo bé hōo ka-kī kiann-hí ê lé-bu̍t-a̍h 電話彼頭沉重的喘氣聲 Tiān-uē hit thâu tîm-tāng ê tshuán-khuì siann 無話通講說又閣毋甘掛 Bô uē thang kóng iū koh m̄-kam kuà 徛佇城市街頭的十字路口 Khiā tī siânn-tshī ke-thâu ê si̍p-jī-lōo-kháu 全然毋知影欲往哪裡落跑 Tsuân-jiân m̄-tsai-iánn beh óng ná-lí làu-phâu 明仔日絕對愛贏過今仔日 Bîn-á-ji̍t tsua̍t-tuì ài iânn-kuè kin-á-ji̍t 流著目屎聽著心內微弱的嚷喝 Lâu tio̍h ba̍k-sái thiann-tio̍h sim-lāi bî-lio̍k ê jióng-huah 徛起來啊 徛起來啊 但是啊⋯⋯ Khiā khí-lâi ah khiā khí-lâi ah tān-sī ah… 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為我的心已經破了一大裂 Sī in-uī guá ê sim í-king phuà liáu tsi̍t tuā liah 一點仔氣力攏無矣 Tsi̍t-tiám-á khuì-la̍t lóng bô ah 連痛苦攏無感覺 Liân thòng-khóo lóng bô kám-kak 只賰倔強崩了以後無力的軟汫 Tsí tshun khut-kiông pang liáu í-āu bô-la̍t ê nńg-tsiánn 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為一个人徛佇雨天的雨傘跤 Sī in-uī tsi̍t-ê lâng khiā tī hōo-thinn ê hōo-suànn kha 落踮傘頂的雨聲 Lak tiàm suànn-tíng ê hōo-siann 拍佇心頭的痛疼 Phah tī sim-thâu ê thàng-thiànn 看著家己的心慢慢的慢慢腐爛 Khuànn tio̍h ka-kī ê sim bān bān ê bān bān hú-nuā 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為拄著少年時深白色的我 Sī in-uī tú tio̍h siàu-liân sî tshim pe̍h-sik ê guá 感覺見笑的無聲 Kám-kak kiàn-siàu ê bô-siann 無通辯解的輸家 bô thang piān-kái ê su-ka 現在的我 Hiàn-tsāi ê guá 一定予你非常的失望吧 It-tīng hōo lí hui-siông ê sit-bōng pa 毋願變成質數般的存在 M̄-guān piàn-sîng tsit-sòo pan ê tsûn-tsāi 放棄家己用心討好世界 Hòng-khì ka-kī iōng-sim thó-hó sè-kài 只要會得到一點點的溫暖 Tsí-iàu ē tit-tio̍h tsi̍t tiám tiám ê un-luán 就算失去獨一無二也甘願 Tiō sǹg sit-khì to̍k-it-bû-jī iā kam-guān 但是身邊人愈濟心愈孤單 Tān-sī sin-pinn lâng jú tsē sim jú koo-tuann 愈是認真對待心就傷愈重 Jú sī jīn-tsin tuì-thāi sim tiō siong jú tāng 算啊吧 Suàn ah pa 反正最後一定是失望啊 Huán-tsìng tsuè-āu it-tīng sī sit-bōng ah 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為我的世界無人通知影 Sī in-uī guá ê sè-kài bô lâng thang tsai-iánn 一个卑微的向望 Tsi̍t-ê pi-bî ê ǹg-bāng 一屑屑的愛啊 Tsi̍t-sut-sut ê ài ah 一屑屑兩個人相攬身軀的燒熱 Tsi̍t-sut-sut nn̄g ê lâng sio-lám sin-khu ê sio-jua̍h 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為一直揣袂著出口的光線 Sī in-uī it-ti̍t tshuē bē-tio̍h tshut-kháu ê kng-suànn 生無可戀的茫然 Sing bô khó luân ê bâng jiân 死無足惜的悲哀 Sí bô tsiok sioh ê pi-ai 規氣化做塵埃四處飛散吧 Kui-khì hua tsò tîn-ai sì tshú pue sàn pa 曾經我也想過死死的較快活 Tsan-king guá iā siūnn kuè sí sí ê khah khuìnn-ua̍h 是因為我猶未遐爾幸運的拄著你 Sī in-uī guá iah-bē hiah-nī hīng-ūn ê tú tio̍h lí 像你這款的人 Tshiūnn lí tsit-khuán ê lâng 佇這世界上存在 Tī tse sè-kài siōng tsûn-tsāi 予我對這个世界有淡薄的喜愛 Hōo guá tuì tsit-ê sè-kài ū tām-po̍h ê hí-ài 像你這款的人 Tshiūnn lí tsit-khuán ê lâng 佇這世界上存在 Tī tse sè-kài siōng tsûn-tsāi 予我對這个世界有淡薄的期待 Hōo guá tuì tsit-ê sè-kài ū tām-po̍h ê kî-thāi #流氓阿德 #曾經我也想過一了百了 #台語 －－－－－－－－－－－－－ ✨追蹤「環寶島，環保島」社群 🔰Facebook：  / ch4theisland   🔰Googlemap：https://g.page/CH4theisland?share 🔰Line：https://lin.ee/eAhnMtS 🔰蝦皮：https://shopee.tw/bearcat711 🔰Youtube：   / paul1st2002   我們是推廣環保的粉專工作室，環境議題已到了不可忽略的程度，我們的每個行為都將深遠地影響地球的未來。 🌏地球是我們向下一代借來的，在我們結束人生旅途之後，應該完好的交還給他們。也因此我們的頻道將會不定期上傳日常環保的影片，此外也會與大家一同體驗台灣文化。這也是我們頻道命名的由來，『環寶島徜徉台灣文化，也讓這片土地成為環保之島。』❤️