شلون تسافر صح - مصطفى علوان - تجارب #٣٢

قبل ما يكون مُحب للسفر، يعرّف مصطفى نفسه كمبرمج، فهو بدأ مسيرته المهنية من عمر صغير ببرمجة المواقع، والتطبيقات، والمنتجات. قبل ما يبلغ الـ ١٨ سنة باع واحد من منتجاته لشركة زين كاش، وتوظّف بعدها بالشركة كمطوّر. خلال فترة عمله، كوّن مصطفى اهتمام جبير بالسفر والسياحة، خلته يتطلع على مختلف مفاصل السفر، بدءاً من عملية الحصول على التأشيرات (الفيزا)، إلى تأمين السفر، حجز تذاكر الطيران، اختيار السكن والفنادق، النقل، الأكل، وغيرها. تعمّق مصطفى بكل وحدة منها وكدر يتعلّم شلون يسوي الخيارات الصحيحة بيها، وبنفس الوقت يقلل من تكاليفه ويسافر بأقل ميزانية ممكنة. بعد ما جمّع معلومات كافية من مختلف تجاربه، قرر أن يأسس تطبيقه، كاونتر، حتى يسهّل للناس عملية الحصول على التأشيرات وشراء تأمين السفر. راح نسولف بهالحلقة عن ليش مصطفى يسافر، شلون يسافر، المعلومات المفيدة اللي اكتسبها اللي ساعدته انه يستمتع اكثر بسفره من جهة ويقلل من تكاليفه من جهة اخرى، شلون اسس تطبيق يساعد بعملية التأشيرات وتأمين السفر، وشلون هالتطبيق اغلب زبائنه اصلا مو عراقيين، وحسابه المصرفي وتسجيل شركته بأمريكا. وأخيراً، راح نحجي عن اراءه بالبرمجة، وشلون يشوف الواحد ممكن يطوّر منتج رقمي ناجح. للاطلاع على خدمات شركة iQ، تكدرون تزورون الرابط:   / weare.iq   تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show الاقسام: 0:00 - تشويقية 01:20 - مقدمة 04:20 - البرمجة 14:50 - الدراسة 17:00 - ليش تسافر؟ 22:30 - شنو كاونتر؟ 24:25 - شلون تحصل فيزا؟ 40:41 - شلون تتعامل وية ابو الجوازات؟ 43:20 - شلون تتدخر بالطيران؟ (نقاط وأميال) 46:30 - شلون يشتغل نظام الأميال؟ 48:55 - حيلة مصطفى 52:00 - شلون احصل نقاط كعراقي؟ 55:00 - منين تشتري التذاكر؟ 59:00 - أتمتة الاستمارات للتأشيرات 01:01:00 - ليش زبائن كاونتر اجانب؟ 01:03:00 - شلون تحصل الزبائن؟ 01:05:00 - تجربة المستخدم بالتطبيق 01:11:00 - بوابة الدفع الامريكية مقارنة بالعراقية 01:13:00 - فرص التوسع لـ كاونتر 01:20:00 - العمل الجانبي 01:21:30 - نصائح للمبرمجين لاستفسارات الرعاية والتعاون: sponsors@tajarib.show